Улаанбаатар
Цанын тамирчид олимпын эрхээ баталгаажуулав
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Олон улсын цанын холбоо /FIS/-ноос олимпын эрх олгох тэмцээний дүнг нэгтгэж, тамирчдын чансааг эцэслэн гаргаснаар Монгол Улсаас гүйлтийн цанын төрөлд нэг эрэгтэй, нэг эмэгтэй тамирчин олимпын наадамд оролцох боломжтой болсон гэж МҮОХ-ноос мэдээллээ.
Олон улсын цанын
холбооны олимпын эрх олгох цуврал тэмцээнд ОУХМ Б.Ачбадрах, А.Энхтуул нар
амжилттай оролцож, олимпын эрхийн болзлыг хангасан бөгөөд Монголын талаас
нэгдүгээр сарын 24-ний дотор тамирчдын нэрийн мэдүүлгээ зохион байгуулах
хороонд илгээх юм.
Монголын цанын шигшээ багийн тамирчин ОУХМ Б.Ачбадрах 4 жилийн
өмнө БНСУ-д болсон “Пёнчан-2018” өвлийн олимпын XXIII наадамд өрсөлдөж байсан туршлагатай.
Харин тэшүүр, биатлоны
олон улсын холбооноос олимпын эрхийн хуваарилалт хийсний дараа нэгдүгээр сарын
21-нд нэмэлтээр эрх авсан тамирчдыг албан ёсоор зарлах аж. Тус хоёр төрөлд
өрсөлдсөн манай тамирчид одоогоор нөөц тамирчны жагсаалтад бүртгэгдээд байгаа
юм.
Холбоотой мэдээ
