Дорноговь аймагт 5.5, Хөвсгөл аймагт 4.9 магнитудын хүчтэй газар хөдлөв

МОНГОЛЫН МЭДЭЭ | БАЙГАЛЬ ОРЧИН
oyundelger@montsame.gov.mn
2022-12-07 10:23:31

Улаанбаатар /МОНЦАМЭ/. Дорноговь аймгийн Сайхандулаан сумын төвөөс зүүн хойд зүгт 29 километрийн зайд 5.5 магнитудын хүчтэй газар хөдлөв.

Газар хөдлөлт урд шөнө 00.12 цагт болсныг ШУА-ийн Одон орон, геофизикийн хүрээлэн мэдээллээ. Үүнээс өмнөхөн Хөвсгөл аймгийн Ренчинлхүмбэ сумын төвөөс зүүн зүгт 18 километрийн зайд 12 дугаар сарын 6-ны 22.40 цагт 4.9 магниутдын хүчтэй газар хөдөлсөн юм. 


Монгол Улс төв Азийн газар хөдлөлтийн идэвхтэй бүсэд оршдог. Өнгөрсөн зуунд 7 ба түүнээс дээш магнитудын хүчтэй газар хөдлөл 20 гаруй удаа болжээ. Магнитуд нь 8 хүрсэн нэн хүчтэй газар хөдлөлт манай оронд 4 удаа бүртгэгдсэн байдаг аж.


Ташрамд мэдээлэхэд, магнитуд гэдэг нь газар хөдлөлтийн төвд багажаар хэмжсэн үзүүлэлт бол, газрын хөрсөн дээр хүн болон барилга байгууламжид нөлөөлөх хүчийг баллаар хэмждэг. Газар хөдлөлтийн баллын хэмжээ 3-4 байвал хүнд мэдрэгдэх боломжтой, 6 баллаас хэтэрвэл барилга байгууламжид эвдрэл үүсэх магадлалтай, арваас хэтэрвэл барилга байгууламж нурах аюултай. 

Холбоотой мэдээ