Улаанбаатар
Малын хорогдол 6 хувьд хүрвэл индексжүүлсэн даатгалын үнэлгээ хийлгэнэ
МОНГОЛЫН МЭДЭЭ | НИЙГЭМ
Улаанбаатар, 2024 оны хоёрдугаар сарын 22 /МОНЦАМЭ/. Шуурхай бүлэг Хөвсгөл аймгийн Төмөрбулаг, Галт, Шинэ-Идэр сумын 50 гаруй малчинтай уулзан, эмнэлгийн үйлчилгээ, хүнсний багцын тусламж үзүүллээ.
Зэвсэгт хүчин, Хилийн цэргийн анги нэгтгэлээс Хөвсгөл аймагт
туулах чадвартай 8 машин дайчилснаас Галт, Шинэ Идэр сумдад хуваарилжээ. Айл бүрийг чиглэсэн зам гаргах хүндрэлтэй
учир машин техник ашиглан зам гаргаж
байна. Мөн сургуулийн 60 гаруй хүүхдийг сургуульд нь татан авчирчээ.
Шинэ-Идэр
сумын малын хорогдол 5.3 хувь хүрээд
байна. Хэрвээ 6 хувьд хүрвэл малын индексжүүлсэн даатгалыг
судлах, даатгалын багийг газар дээр нь ажиллуулж, үнэлгээ яаралтай хийлгэхийг ХХААХҮЯ мэдээллээ.
Галт суманд 50 хувийн хөнгөлөлттэй 30 тонн, Шинэ-Идэр суманд 50 тонн тэжээл
аймгийн нөөцөөс өгсөн бол Шуурхай бүлэг тус бүр 5 тонн тэжээл нэмж
олгох юм. Сум, аймгийн нөөц дууссан тул санхүүгийн эх үүсвэрийг аймгийн
Онцгой комисс шийдэхээр болжээ.
