Улаанбаатар
ХӨВСГӨЛ: “Сүегэр” уран бичлэгийн уралдаанд 60 гаруй бүтээл ирүүлжээ
ФОТО МЭДЭЭ
Мөрөн, 2024 оны тавдугаар сарын 20 /МОНЦАМЭ/. Хөвсгөл аймагт монгол бичиг, өв соёлыг түгээн дэлгэрүүлэх, уран бичлэг сонирхогчид,
мэргэжлийн багш нарын бүтээлч сэтгэлгээг хөгжүүлэх, эх хэлээ хайрлан хамгаалах,
үндэсний бичиг соёлоороо бахархал төрүүлэхүйц бүтээл туурвих, ур чадварыг нь
хөгжүүлэх зорилгоор “Сүегэр” уран бичлэгийн уралдааныг зохион байгууллаа.
Тус уралдаан энэ жил Монгол Улсын
Хөдөлмөрийн баатар, Монгол Улсын гавьяат багш, хүмүүнлэгийн ухааны доктор,
профессор Т.Дашцэдэн багшийн мэндэлсний 100 жилийн ойг угтан зохион байгуулж
буйгаараа онцлог юм.
“Сүегэр” уран бичлэгийн уралдаан
мэргэжлийн багш нар, уран бичлэг сонирхогчид, иргэд, төрийн албан хаагч гэсэн
ангилалд болж 60 гаруй бүтээл ирүүлжээ.
