Улаанбаатар
Канадын Гран-Прид М.Ферстаппен түрүүллээ
ДЭЛХИЙН МЭДЭЭ | СПОРТ
ОТТАВА,
2024 оны зургаадугаар сарын
10 /Anadolu/. “Формула-1” ангиллын авто уралдааны энэ оны
дэлхийн аварга шалгаруулах тэмцээний ес дахь гараа буюу Канадын
Гран-Прид “Ред Булл” багийн нисгэгч Макс Верстаппен гурав дахь удаагаа дараалан түрүүллээ.
Ингэснээр Нидерландын 26 настай нисгэгч М.Верстаппен 60 дахь түрүүгээ авлаа. Канадын Гран-Пригийн хоёрдугаарт байрт “Макларен” багийн Ландо Норрис, гуравдугаар байрт “Мерседес”-ийн нисгэгч Жорж Рассел нар орсон байна.
М.Верстаппен энэ улиралд зохиогдоод буй есөн уралдааны
зургаад нь түрүүлээд байгаа бол Мельбурнд “Феррари” багийн нисгэгч Карлос Сайнц, Майамид Л.Норрис, Монакод “Феррари”-гийн Шарль
Леклер нар түрүүлсэн юм.
Энэ оны ес дэх гарааны дараах байдлаар М.Ферстаппен 194 оноогоор ДАШТ-д тэргүүлсэн хэвээр байгаа бол түүний араас Ш.Леклер /138 оноо/, Л.Норрис /131/ нар удаалж байна. Харин багийн чансаагаар “Ред Булл” /301/ тэргүүлж байгаа бол “Феррари” /252), “Макларен” /212/ багууд тус тус хоёр, гуравдугаарт бичигдэж байна.
