Улаанбаатар
Маргаашаас 15 байршилд хичээлийн шинэ жилийг угтсан үзэсгэлэн худалдаа гарна
МОНГОЛЫН МЭДЭЭ | БОЛОВСРОЛ
Улаанбаатар, 2024 оны долоодугаар сарын 31 /МОНЦАМЭ/. 2024-2025 оны хичээлийн шинэ жилийг угтсан үзэсгэлэн худалдааг маргаашаас нийслэлийн 15 байршилд зохион байгуулах гэж байна.
Батлагдсан байршлуудад үзэсгэлэн худалдааг зохион байгуулахдаа сурагч, оюутан, эцэг, эхчүүдэд ойрхон, хүртээмжтэй, харьцангуй хямд үнээр хичээлийн хэрэгсэл, дүрэмт хувцас, шаардлагатай бусад хэрэгслийг худалдан авах боломжийг бүрдүүлэх зорилготой аж.
Түүнчлэн үндэсний үйлдвэрлэгчид, худалдаа, үйлчилгээ эрхлэгчдийг өргөнөөр оролцуулан худалдаа эрхлэгч болон оюутан сурагчдыг нэг дороос хямд үнээр өргөн сонголттойгоор хэрэгцээт бараагаа худалдан авах болон борлуулах нөхцөл боломжоор хангах юм. Үзэсгэлэн худалдаа болох байршлуудыг танилцуулж байна.
