Улаанбаатар
А.Овечкин дубль хийснээр У.Гретцкийн амжилтад ойртлоо
ДЭЛХИЙН МЭДЭЭ | СПОРТ
МОСКВА, 2024 оны аравдугаар сарын 30 /РИА Новости/. Хоккейн "Вашингтон Кэпиталз" багийн ахлагч, Оросын довтлогч Александр Овечкин өчигдөр Вашингтон хотноо болсон тоглолтод 856 ба 857 дахь гоолуудаа оруулж дубль хийлээ.
Тоглолт 5:3 (3:1, 1:2, 1:0) гэсэн
харьцаагаар талбайн эздийн давамгайллаар өндөрлөсөн бөгөөд Овечкиноос гадна Коннор
Макмайкл (9), Беларусийн довтлогч Алексей Протас (25), Ник Дауд (60) нар гоолджээ. Өрсөлдөгч
"Рейнджерс" багаас Уилл Кайлли (5), Крис Крайдер (21), Филип Хитил
(25) нар гоол оруулсан байна.
Өдгөө 39 настай Овечкины хувьд тоглолтын 4 дэх ба 6 дахь минутанд гоол оруулснаар Үндэсний хоккейн лигийн /NHL/ түүхэн дэх шилдэг мэргэн буучдын жагсаалтыг тэргүүлж буй Уэйн Гретцкийн амжилтад хүрэхийн тулд дахин 37 шайб оруулах хэрэгтэй болж байна. Түүнээс гадна Овечкин лигийн аварга шалгаруулах тэмцээний 174 тоглолтод хоёр ба түүнээс дээш тооны гоол оруулаад байгаа нь мөн л У.Гретцкийн /189 тоглолт/ дараа орох хоёрдахь үзүүлэлт юм.
Үндэсний хоккейн лигийн бүх цаг үеийн шилдэг довтлогч У.Гретцки 1487 тоглолтод оролцохдоо өрсөлдөгчдийнхөө хаалганд 894 шайб оруулсан билээ.
