Улаанбаатар
ЗАВХАН: Нийт нутгаар цас орж хүйтэрнэ
ОРОН НУТГИЙН МЭДЭЭ | ЗАВХАН
Улиастай, 2024 оны арваннэгдүгээр сарын 7 /МОНЦАМЭ/. Завхан аймгийн Цаг уур, орчны шинжилгээний газрын мэдээгээр энэ сарын 7-8-ны шөнө зарим газраар, 8-нд ихэнх нутгаар цас орно.
8-9-ний шөнө нутгийн хойд, төв, хангайн уулархаг
нутгаар цас орж, цасан шуурга шуурч, нийт нутгаар хүйтэрч зам даваанд халтиргаа гулгаа үүсэж, үзэгдэх
орчин хязгаарлагдаж болзошгүйг анхааруулав.
Тиймээс иргэд, малчид тээвэрчдийг цаг агаарын мэдээг цаг тухай бүр хүлээн авах. Мэргэжлийн байгууллагаас өгч байгаа сэрэмжлүүлэг, анхааруулгыг дагахыг зөвлөж байна.
Мөн хол,
ойрын замд гарахдаа тээврийн хэрэгслийн найдвартай байдлыг хангаж шатахууны
нөөцтэй, найдвартай харилцаа холбооны хэрэгсэлтэй байх. Дулаан хувцаслах, баталгаат зам, гүүр, гармаар
хөдөлгөөн үйлдэх. Салхи
шуурганд төөрөх, малтайгаа уруудах эрсдэлээс урьдчилан сэргийлэх. Малаа ойрын бэлчээрт хариулах, бага насны хүүхдийг малд явуулахгүй байхыг
онцгойлон анхааруулж байна гэж Завхан аймгийн Онцгой байдлын газраас
мэдээлэв.
