Улаанбаатар
Төвийн аймгуудын зарим газраар цас орж шуурна
МОНГОЛЫН МЭДЭЭ | БАЙГАЛЬ ОРЧИН
Улаанбаатар, 2025 оны нэгдүгээр сарын 24 /МОНЦАМЭ/. Нутгийн баруун хагаст үүлэрхэг, бусад нутгаар өнөөдөр 08 цагаас 20 цаг хүртэл үүлшинэ.
Баруун аймгуудын зүүн, говийн нутгийн баруун хэсэг, төвийн аймгуудын зарим газраар цас орж, цасан шуурга шуурна.
Салхи нутгийн баруун хагаст баруун өмнөөс хойш эргэж, бусад нутгаар
баруун өмнөөс секундэд 5-10 метр, нутгийн зарим газраар секундэд 13-15 метр
хүрч ширүүснэ.
Увс нуур болон Дархадын хотгор, Завхан голын эх, Тэс голын хөндийгөөр
-21…-26 градус, Монгол-Алтай, Хангай, Хөвсгөлийн уулархаг нутаг, Хүрэнбэлчир
орчим, Идэр, Эг, Үүр голын хөндийгөөр -15…-20 градус, Орхон, Сэлэнгэ, Хараа,
Ерөө, Халх голын хөндийгөөр -11…-16 градус, Хэнтийн уулархаг нутаг, Хангайн
нурууны өвөр бэл, говийн бүс нутгийн өмнөд хэсэг, Дорнод-Дарьгангын тал нутгаар
+3…-2 градус, бусад нутгаар -4...-9 градус хүйтэн байна.
Баруун нутгийн зүүн, төвийн аймгуудын зарим газраар, говь болон зүүн
аймгуудын нутгаар маргааш цасаар шуурч, ихэнх нутгаар хүйтний эрч чангарч, зам,
даваа, гүвээнд халтиргаа гулгаа үүсэж, үзэгдэх орчин хязгаарлагдахыг анхааруулжээ.
