Улаанбаатар
СЭЛЭНГЭ: Дэлхийд чансаагаараа тэргүүлэгч Чин-Хуа их сургуульд суралцах урилга авчээ
ОРОН НУТГИЙН МЭДЭЭ | СЭЛЭНГЭ
Сүхбаатар, 2025 оны наймдугаар сарын 20 /МОНЦАМЭ/. Сэлэнгэ аймгийн Мандал сумын сурагчид ази болон дэлхийд
чансаагаараа тэргүүлэгч Чин-Хуа их сургуульд суралцах болсон байна.
Мандал
сумын ЕБ-ийн
5-р сургуулийн сурагч Д.Номин-Эрдэнэ, М.Хүслэн нар сумандаа үйл
ажиллагаа явуулдаг “Хятад
хэлний гүүр” сургалтын төвд суралцаж энэхүү амжилтын эзэд болжээ.
Тэд хятад хэлээр тасралтгүй амжилттай суралцан 5-р түвшин
болон дунд шатны ярианы шалгалтаа амжилттай өгч тэнцэн, дэлхийд чансаагаараа 12-т, Ази тивд 1-т
жагсдаг Чин Хуа их сургуульд суралцах урилгаар шагнуулсан байна.
Д.Номин-Эрдэнэ, М.Хүслэн нарыг ийм амжилтад хүрэхэд бэлтгэсэн багш Э.Хулангийн хичээл зүтгэл их юм. М.Хүслэн химийн чиглэлээр, Д.Номин-Эрдэнэ компьютерийн чиглэлээр тус их сургуульд суралцахаар сонголтоо хийжээ.
