Ирэх долоо хоногт цас орж, явган шуурга шуурна
ОРОН НУТГИЙН МЭДЭЭ | АРХАНГАЙИрэх даваа гарагаас эхлэн Архангай аймгийн нутгийн зарим газраар цас орж, явган шуурга шуурах төлөвтэй байна.
Энэ үеэр салхи секундэт 4-9 метр байна. Хүйтний эрч бага зэрэг чангарч нутгийн хойд хэсгээр шөнөдөө 27-32 градус, өдөртөө 15-20 градус хүйтэн, бусад нутгаар шөнөдөө 22-27 градус, өдөртөө 10-15 градус хүйтэн байна.
Аймгийн ус цаг уурын албаны мэдээнээс үзэхэд, өнгөрсөн 11 дүгээр сарын нэгнээс арванхоёрдугаар сарын 20-ны хугацаанд Эрдэнэбулган, Төвшрүүлэх, Хотонт суманд хамгийн дулаан байсан бөгөөд өдөртөө 1+2 хэмд хүрч байсан бол, хамгийн хүйтэн Цахир, Хангай, Чулуут, Өндөр-Улаан, Өлзийт, Батцэнгэл суманд шөнөдөө -36-42 хэмд хүрч хүйтэрчээ.
Л.Булган