Улаанбаатар
Шаамар сумын ахмадууд шинэ өргөөтэй болов
ОРОН НУТГИЙН МЭДЭЭ | СЭЛЭНГЭСэлэнгэ аймгийн Шаамар сумын ахмадууд үйл ажиллагаагаа тогтмол явуулж, чөлөөт цагаа өнгөрүүлж байх шинэ өргөөтэй боллоо.
Энэхүү Ахмадын хорооны шинэ өргөөний нээлт намрын адаг сарын билэгт сайн өдөр болсон юм. Тус өргөө нь нийт 118 м2 бөгөөд тус өргөөнд бялдаржуулах танхим, теннис, шатрын өрөө, цайны газартай байх бөгөөд ахмадуудын чөлөөт цагаа ая тухтай өнгөрүүлэх боломжоор бүрдэж хангагдсан ажээ.
Шаамар суманд гавьяаныхаа амралтанд гарсан нийт 270 гаруй ахмадууд амьдардаг юм байна. Тус сумын ахмадын хорооноос ахмадуудынхаа дунд олон ажил зохиож, тэдний нийгэмд оролцох оролцоог нь нэмэгдүүлж, үр дүнтэй ажилладаг ажээ. Иймээс аймгийн засаг дарга болон сумынхаа засаг даргаас дэмжлэг авч ахмадын хорооныхоо үйл ажиллагааг тогтмол явуулж байх энэхүү шинэ байрыг барьж ашиглалтанд оруулжээ.
Сэлэнгэ аймаг Ч.Отгонцэцэг
