Аймгийн нийт нутгаар хүйтэрч цасан шуурга шуурна
ОРОН НУТГИЙН МЭДЭЭ | ТӨВТөв /МОНЦАМЭ/. Энэ сарын 10-аас 14-ний өдөр хүртэлх долоо хоногийн цаг агаарын урьдчилсан төлөв байдлаар томоохон нуруудаар хүйтэрч цасан шуурга шуурна.
Есөнд нутгийн баруун хойд хэсгээр, 10-нд ихэнх нутгаар бага зэргийн цас орно. Салхи 10-нд зарим газраар 12-14 м/с хүрч, зөөлөн цасан шуурга шуурна. 10-аас 11-ний өдрүүдэд хүйтэрч, томоохон голын хөндий дагуух нутгуудаар шөнөдөө 17-22 хэм, өдөртөө 4-9 хэм байна. Бусад нутгаар шөнөдөө 12-17 хэм, өдөртөө 0-5 хэмийн хүйтэн байна гэж Төв аймгийн УЦУОША-ны синоптик инженер Д.Долгоржав хэллээ.
Цаашид нийт нутгаар хүйтний эрч суларч, өдөртөө бага зэрэг дулаарах төлөвтэй байна.
Т.Есүхэйтөмөр