Улаанбаатар
Шагайн наадгайг Архангайн брэнд тоглоом болгоно
ОРОН НУТГИЙН МЭДЭЭ | АРХАНГАЙ
Архангай /МОНЦАМЭ/. Монголд мал аж ахуй үүссэн цагаас зэрэгцэн гарч ирсэн Монгол малчдын тоглоом бол шагайн наадгай юм. Мөн их хаадын үед цэргүүдээ хараа хурц, хурд хүчтэй байлгах үүднээс малын шагайгаар их тоглуулдаг байжээ. Бидний сайн мэддэг гэгддэг ардын уламжлалт шагайн тоглоомуудыг зөв тоглох арга ухаан болоод шинэ шагайн тоглоомуудыг багш, хүүхдүүдэд зааж сургах ажлыг Архангай аймгийн Төгс баясгалант буян дэлгэрүүлэх хийдийн лам Х.Батбаяр, “Амирлангуй ертөнц” ТББ-ын тэргүүн, лам Б.Батхуяг нар санаачлан эхлүүлсэн байна.
Энэ ажил нь маш үр дүнтэй болж, багш, иргэд, хүүхдүүд шагай тоглох нарийн учир, арга техник, мөн шагайн билэгдлийн тухай мэдэж сурсандаа туйлын баяртай байгаагаа зохион байгуулагчдад хэлж байжээ.
Цаашид шагайн бүхий л тоглоомуудыг аймгийнхаа брэнд тоглоом болгох, бүр ЮНЕСКО-д бүртгүүлэхээр санаа тавьж, зорьж буйгаа “Амирлангуй ертөнц” ТББ-ын тэргүүн Б.Батхуяг хэлж байна.
Энэхүү ажлыг эхлүүлсэн лам нар аймгийн 19 сумаар орох бөгөөд 3-р сарын 29-нөөс 4-р сарын 15-ны хооронд 9 сумын 10 сургууль, цэцэрлэгээр орсон байна. Хэсэг хугацааны дараа үлдсэн сум, аймгийн төвийн сургууль цэцэрлэгүүдэд шагайн тоглоомыг зааж, дэлгэрүүлэх юм байна.
Ингэж явахдаа дан ганц шагайн наадгайг заах бус уламжлалт ёс заншил, өв соёл, уламжлалт анагаах ухааныг сэргээх, сурталчлах, түгээх, уламжлалт номын өв Алтанганжуурын тухай таниулж явжээ.
Энэ ажил нь маш үр дүнтэй болж, багш, иргэд, хүүхдүүд шагай тоглох нарийн учир, арга техник, мөн шагайн билэгдлийн тухай мэдэж сурсандаа туйлын баяртай байгаагаа зохион байгуулагчдад хэлж байжээ.
Цаашид шагайн бүхий л тоглоомуудыг аймгийнхаа брэнд тоглоом болгох, бүр ЮНЕСКО-д бүртгүүлэхээр санаа тавьж, зорьж буйгаа “Амирлангуй ертөнц” ТББ-ын тэргүүн Б.Батхуяг хэлж байна.
Энэхүү ажлыг эхлүүлсэн лам нар аймгийн 19 сумаар орох бөгөөд 3-р сарын 29-нөөс 4-р сарын 15-ны хооронд 9 сумын 10 сургууль, цэцэрлэгээр орсон байна. Хэсэг хугацааны дараа үлдсэн сум, аймгийн төвийн сургууль цэцэрлэгүүдэд шагайн тоглоомыг зааж, дэлгэрүүлэх юм байна.
Ингэж явахдаа дан ганц шагайн наадгайг заах бус уламжлалт ёс заншил, өв соёл, уламжлалт анагаах ухааныг сэргээх, сурталчлах, түгээх, уламжлалт номын өв Алтанганжуурын тухай таниулж явжээ.
Б.Гэрэлт-Од
