Улаанбаатар
Олон улсын найрал дууны анхдугаар их наадамд 1000 гаруй уран бүтээлч оролцоно
МОНГОЛЫН МЭДЭЭ | СОЁЛ УРЛАГ
Улаанбаатар /МОНЦАМЭ/. Монгол Улсад найрал дуу үүсч хөгжсөний 70 жилийн ойд зориулан "Монголын найрал дууны уран бүтээлчдийн холбоо"-ноос "Улаанбаатарын хавар 2017" олон улсын найрал дууны анхдугаар их наадмыг энэ сарын 10-12-нд Улаанбаатар хотноо зохион байгуулна.
Тус наадамд Монгол Улсаас УДБЭТ, ЦДБЭЧ, ХЦДБЧ, СУИС, МУБИС, СИТИ, ХБК зэрэг мэргэжлийн урлагийн байгуулага, сургуулиудын хамтлаг дуучид, ОХУ-ын Буриад Улсын П.И.Чайковскийн нэрэмжит урлагийн коллежийн оюутны найрал дуу, БНХАУ-ын ӨМӨЗО-ны Алша аймгийн Зүүн хошууны Улаан мөчрийн цөөхүүл дуучид, Хөлөнбуйр аймгийн Шинэ Барга зүүн хошууны Барга хүүхдийн найрал дууны бүлгэм, БНСУ-ын "Тэнгэрийн дуу" найрал дууны хамтлаг зэрэг гадаад дотоодын нийт 24 хамтлагийн 1000 гаруй уран бүтээлч оролцох юм.
Наадмын нээлтийн ёслол өнөөдөр Д.Сүхбаатарын талбайд болох бөгөөд энэ үеэр наадамд оролцогчдын нэгдсэн парад алхана. Түүнчлэн Хүүхдийн найрал дууны тоглолт Улаанбаатар чуулгын байранд, маргааш Гадаад хамтлагуудын нэгдсэн тоглолт Улсын Филармонийн концертын танхимд, 12-нд тус их наадмын Гала тоглолт УДБЭТ-ын тайзнаа тус тус болох юм.
Дашрамд дуулгахад, Монголын соёл урлагийн хөгжилд хувь нэмрээ оруулсаар ирсэн "Монголын найрал дууны уран бүтээлчдийн холбоо" нь 2005 оноос найрал дууны их наадмыг "Хаврын баяр" нэртэйгээр 9 удаа амжилттай зохион байгуулсан бөгөөд энэ жилээс эхлэн наадмынхаа цар хүрээг тэлж "Улаанбаатарын хавар 2017" олон улсын найрал дууны анхдугаар их наадмыг Нийслэлийн Засаг дарга бөгөөд Улаанбаатар хотын захирагчийн ивээл дор зохион байгуулах юм.
Тус наадамд Монгол Улсаас УДБЭТ, ЦДБЭЧ, ХЦДБЧ, СУИС, МУБИС, СИТИ, ХБК зэрэг мэргэжлийн урлагийн байгуулага, сургуулиудын хамтлаг дуучид, ОХУ-ын Буриад Улсын П.И.Чайковскийн нэрэмжит урлагийн коллежийн оюутны найрал дуу, БНХАУ-ын ӨМӨЗО-ны Алша аймгийн Зүүн хошууны Улаан мөчрийн цөөхүүл дуучид, Хөлөнбуйр аймгийн Шинэ Барга зүүн хошууны Барга хүүхдийн найрал дууны бүлгэм, БНСУ-ын "Тэнгэрийн дуу" найрал дууны хамтлаг зэрэг гадаад дотоодын нийт 24 хамтлагийн 1000 гаруй уран бүтээлч оролцох юм.
Наадмын нээлтийн ёслол өнөөдөр Д.Сүхбаатарын талбайд болох бөгөөд энэ үеэр наадамд оролцогчдын нэгдсэн парад алхана. Түүнчлэн Хүүхдийн найрал дууны тоглолт Улаанбаатар чуулгын байранд, маргааш Гадаад хамтлагуудын нэгдсэн тоглолт Улсын Филармонийн концертын танхимд, 12-нд тус их наадмын Гала тоглолт УДБЭТ-ын тайзнаа тус тус болох юм.
Дашрамд дуулгахад, Монголын соёл урлагийн хөгжилд хувь нэмрээ оруулсаар ирсэн "Монголын найрал дууны уран бүтээлчдийн холбоо" нь 2005 оноос найрал дууны их наадмыг "Хаврын баяр" нэртэйгээр 9 удаа амжилттай зохион байгуулсан бөгөөд энэ жилээс эхлэн наадмынхаа цар хүрээг тэлж "Улаанбаатарын хавар 2017" олон улсын найрал дууны анхдугаар их наадмыг Нийслэлийн Засаг дарга бөгөөд Улаанбаатар хотын захирагчийн ивээл дор зохион байгуулах юм.
Ж.Болор
