Манай хөлбөмбөгчид Ираны багт хожигдлоо
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын залуучуудын футзалын шигшээ баг “Азийн 20 хүртэлх насны АШТ”-ий “D хэсэг”-ийн хоёр дахь тоглолтоо Азийн чансааг тэргүүлэгч Ираны шигшээ багтай хийж 6:0-ээр хожигдлоо.
Анх удаа Азийн АШТ оролцсон манай залуучуудын футзалын шигшээ баг өчигдөр АНЭУ-ыг 3:5-аар буулгасан бол өнөөдөр тив дэлхийд футзалын хөгжлөөрөө дээгүүр бичигддэг Ирантай тоглолоо.
Иран улс нь дэлхийн чансааны тавдугаарт эрэмбэлэгддэг хүчирхэг баг юм. Тиймдээ ч тэд илүү санаачилгатай тоглолтыг үзүүлэн эхний үед 0:5-аар давамгайлсан. Харин манай залуус завсарлагааны дараа илүү хянамгай тоглолтыг үзүүлэн, хоёрдугаар үед ганц гоол алдсанаар үндсэн цагт 0:6-ээр хожигдлоо.
Одоогоор тив дэлхийн футзалын чансаанд бичигддэггүй манай футзалын шигшээ баг тивийнхээ аваргатай тун сайн тоглолт үзүүллээ. Залуучуудын футзалын шигшээ баг маргааш 14 цагаас Киргиз улсын багтай тоглоно.
Д.Өлзий