ОХУ дахь АНУ-ын консулын газрыг хаах тухай санал асуулга явуулжээ

ДЭЛХИЙН МЭДЭЭ | НИЙГЭМ
ayanzaya@montsame.gov.mn
2018-03-28 18:42:56
МОСКВА. /РИА Новости/. АНУ Оросын дипломатчдыг нутаг буцаах шийдвэр гаргасан билээ. Үүнтэй холбоотойгоор Вашингтон дахь ОХУ-ын ЭСЯ-ны дипломатчид ОХУ дахь АНУ-ын дипломат төлөөлөгчийн газрыг хаах тухай санал асуулгыг “Твиттер”-ээр дамжуулан явуулсан байна.
 
Санал асуулгад оролцогчид Оросын Владивосток, Екатеринбург болон Санкт-Петербург гэсэн гурван хотод байрлах АНУ-ын ерөнхий консулын газраас алийг нь хаахыг сонгох ёстой байсан аж.
 
Санал асуулгад нэг хоногийн дотор 57,5 мянган хүн оролцсон бөгөөд оролцогчдын 47 хувь нь Санкт-Петербург дахь АНУ-ын дипломат төлөөлөгчийн газрыг хаахыг дэмжжээ. Харин 35 хувь нь Екатеринбург дахь консулын газрыг хаахыг дэмжсэн бол үлдсэн 18 хувь нь Владивосток дахь дипломат төлөөлөгчийн газрыг хаахыг дэмжсэн байна.
Э.Аянзаяа 
Холбоотой мэдээ