Улаанбаатар
Олон улсын эмч нарын хурал Ерөнхийлөгчийн ивээл дор боллоо
МОНГОЛЫН МЭДЭЭ | ЭРҮҮЛ МЭНД
Улаанбаатар /МОНЦАМЭ/. Хоол боловсруулах замын мэс засал, эмчилгээний талаарх Япон-Монголын хамтарсан 10 дахь удаагийн олон улсын хурал наймдугаар сарын 23-25-нд Улаанбаатар хотод боллоо.
Энэ жилийн олон улсын хурал “Элэг, цөс, нойр булчирхайн хорт хавдрын орчин үеийн оношилгоо эмчилгээ” сэдвээр Монгол Улсын Ерөнхийлөгчийн ивээл дор болж, Япон, Солонгос, Энэтхэг, Казакстан, ОХУ болон Монголын эмч, эмнэлгийн ажилтнууд амьд донороос элэг шилжүүлэн суулгах, мэс заслын шууд дамжуулалт зэрэг сэдвээр ярилцаж, хамтарсан багуудын ажлын байран дахь сургалт хийлээ. Өнөөдөр Монголын элэг, цөс, нойр булчирхайн эмч нарын нийгэмлэг, Япон улсын “Накаяма” хавдар судлалын хүрээлэнгээс хамтран зохион байгуулдаг нэгдсэн хурал болж, Монгол Улсын Ерөнхийлөгч Х.Баттулга нээлтийн үйл ажиллагаанд нь оролцож, үг хэлэв. Тэрээр, “Арван жил гэдэг ихийг амжуулж, төлөвшүүлэх хугацаа. Япон, Монголын хамтарсан олон улсын хурлыг анх хийсэн 2008 оноос хойш:
Энэ жилийн олон улсын хурал “Элэг, цөс, нойр булчирхайн хорт хавдрын орчин үеийн оношилгоо эмчилгээ” сэдвээр Монгол Улсын Ерөнхийлөгчийн ивээл дор болж, Япон, Солонгос, Энэтхэг, Казакстан, ОХУ болон Монголын эмч, эмнэлгийн ажилтнууд амьд донороос элэг шилжүүлэн суулгах, мэс заслын шууд дамжуулалт зэрэг сэдвээр ярилцаж, хамтарсан багуудын ажлын байран дахь сургалт хийлээ. Өнөөдөр Монголын элэг, цөс, нойр булчирхайн эмч нарын нийгэмлэг, Япон улсын “Накаяма” хавдар судлалын хүрээлэнгээс хамтран зохион байгуулдаг нэгдсэн хурал болж, Монгол Улсын Ерөнхийлөгч Х.Баттулга нээлтийн үйл ажиллагаанд нь оролцож, үг хэлэв. Тэрээр, “Арван жил гэдэг ихийг амжуулж, төлөвшүүлэх хугацаа. Япон, Монголын хамтарсан олон улсын хурлыг анх хийсэн 2008 оноос хойш:
- Нойр булчирхайн толгой хэсгийг тайрах мэс засал
- Нойр булчирхайн сүүл хэсгийг дурангаар тайрах мэс засал
- Ходоодыг бүхэлд нь дурангаар тайрах мэс засал
- Улаан хоолой тайрах мэс засал
- Элэгний хорт хавдрын үеийн бүх төрлийн элэг тайрах мэс засал
- Амьд донороос элэг шилжүүлэн суулгах мэс засал зэрэг олон төрлийн мэс заслыг Хавдар судлалын үндэсний төв хийдэг болжээ.
Мөн 2018 оны нэгдүгээр сарын 28-ны өдөр амьд донороос элэг шилжүүлэн суулгах анхны хагалгааг манай Хавдар судлалын үндэсний төвийн эмч, мэс засалчид амжилттай хийж өнөөдрийг хүртэл ийм ажилбарыг тав дахь удаагаа хийж байгаа нь энэхүү онол, практикийн хурлын өгөөж хэмээн хэлж болно. Та бүхний сургалт, үйл ажиллагаа бодит үр дүн, амжилт дагуулж байгаад монголчууд бид талархан бахархаж байна. Та бүхнийг манай улсад морилон саатаж, Монголын эмч нартай мэдлэг туршлагаа солилцон, хамтарсан мэс засал хийж байгааг Монголын эрүүл мэндийн салбарт оруулж буй үнэлж баршгүй хувь нэмэр хэмээн үнэлж байна.
Төрийн нэг чухал үүрэг бол иргэдийнхээ эрүүл мэндийг сахин хамгаалах, эрүүл аж төрөх нөхцлийг хангах явдал юм. Тийм ч учраас улам бүр түгшээж байгаа хорт хавдрын өвчлөлийн шалтгаан, анагаах, сувилах арга зүй, менежментэд эмч нарын төдийгүй нийт иргэдийн анхаарлыг хандуулах, ойлголт өгөхийг чухалчлан үзэж, энэ онол, практикийн хурлын ажиллагаанд зориуд анхаарал хандуулахыг хүслээ.
Хурлыг уламжлал болгон зохион байгуулдаг Хавдар судлалын үндэсний төв, Монголын Элэг, цөс, нойр булчирхайн эмч нарын нийгэмлэг, Японы “Накаяма” хавдар судлалын институтэд нийт монголчуудынхаа өмнөөс гүн талархал илэрхийлье. Өнөөдөр бид шилжилтийн үеийг хараахан дуусаагүй байна. Ажил орлогогүй, ядуурал зарим нөхцөлд хүндрэлтэй байгаатай холбоотойгоор халдварт өвчин, тэр тусмаа хавдартай холбоотой асуудлууд Монголд тулгарч, сэтгэл түгшээсэн, нийгмийг түгшээсэн байдалтай байгаа. Энэ асуудалд анхаарч, 10 жилийнхээ үр дүнг харж, дүгнэж байгаа та бүхэнд дахин талархал илэрхийлье” гэв.
Төрийн нэг чухал үүрэг бол иргэдийнхээ эрүүл мэндийг сахин хамгаалах, эрүүл аж төрөх нөхцлийг хангах явдал юм. Тийм ч учраас улам бүр түгшээж байгаа хорт хавдрын өвчлөлийн шалтгаан, анагаах, сувилах арга зүй, менежментэд эмч нарын төдийгүй нийт иргэдийн анхаарлыг хандуулах, ойлголт өгөхийг чухалчлан үзэж, энэ онол, практикийн хурлын ажиллагаанд зориуд анхаарал хандуулахыг хүслээ.
Хурлыг уламжлал болгон зохион байгуулдаг Хавдар судлалын үндэсний төв, Монголын Элэг, цөс, нойр булчирхайн эмч нарын нийгэмлэг, Японы “Накаяма” хавдар судлалын институтэд нийт монголчуудынхаа өмнөөс гүн талархал илэрхийлье. Өнөөдөр бид шилжилтийн үеийг хараахан дуусаагүй байна. Ажил орлогогүй, ядуурал зарим нөхцөлд хүндрэлтэй байгаатай холбоотойгоор халдварт өвчин, тэр тусмаа хавдартай холбоотой асуудлууд Монголд тулгарч, сэтгэл түгшээсэн, нийгмийг түгшээсэн байдалтай байгаа. Энэ асуудалд анхаарч, 10 жилийнхээ үр дүнг харж, дүгнэж байгаа та бүхэнд дахин талархал илэрхийлье” гэв.
