Ulaanbaatar
Тарнын гүүрний хяналтын постын дулааны асуудлыг шийдэв
ОРОН НУТГИЙН МЭДЭЭ | АРХАНГАЙ
Архангай /МОНЦАМЭ/. Аймгийн ИТХ-ын дарга, Гэмт хэргээс урьдчилан сэргийлэх ажлыг зохицуулах салбар зөвлөл
/ГХУСАЗСЗ/-ийн дарга Б.Өсөхбаяр тэргүүтэй ажлын хэсэг Хашаат сумын Тарнын гүүрний хяналтын постын ажилтай танилцжээ.
Уг хяналтын постыг 2016 онд ашиглалтад өгч, Архангай, Өвөрхангай аймгийн ЦГ-аас замын зохицуулагчид ээлжээр ажилладаг байсныг болиулж, өнгөрсөн оны 6 дугаар сараас зөвхөн Архангай аймгийн замын цагдаагаас хоёр алба хаагчийг ажиллуулж, байнгын ажиллагаатай болгосон байна.
Б.Өсөхбаяр дарга газар дээр нь очиж
ажиллахдаа аймгийн ГХУСАЗСЗ-ийн зардлын 10.0 сая төгрөгөөр алба хаагчдын
амьдарч байгаа орон сууцанд бие даасан халаалтын зуух тавьж өгөхөөр болж,
дулааны асуудлыг шийдлээ. Мөн ямар ч цахилгааны хамгаалалтгүй газар доогуур
байсан цахилгааны шугамыг агаарын шугам болгож, 180м цахилгааны холболтыг дээрх
хөрөнгөөс шийдэж өгчээ.
Цаашид ГХУСАЗСЗ-ийн зардлын 20.0 сая
төгрөгөөр гадна гэрэлтүүлэг, хяналтын камер, журмын хашаа, олон нийтийн цагдааг
нэмж ажиллуулахаар төлөвлөсөн байна.
