Ulaanbaatar
Ким Жөн Ун БНАСАУ-ын өмнөх удирдагчдын бунханд зочилжээ
ДЭЛХИЙН МЭДЭЭ | УЛС ТӨР
ПЁНЬЯН. /Yonhap/.
БНАСАУ-ын удирдагч Ким Жөн Ун улс
байгуулагдсаны 73 жилийн ойг тохиолдуулан өөрийн өвөө болох улсын үүсгэн
байгуулагч агсан Ким Ир Сен болон эцэг, улсын удирдагч агсан Ким Жөн Ирийн
бунханд зочилсон талаар тус улсын төрийн мэдлийн хэвлэл мэдээллийн хэрэгсэл
өнөөдөр мэдээлэв.
"Ким Жөн Ун болон
түүний эхнэр Ри Соль Жу нар Кымсусан Нарны ордонд хүндэтгэл үзүүллээ" гэж Солонгосын
төв цахилгаан мэдээний агентлаг /KCNA/ мэдээлжээ. Энэхүү бунханд улсын өмнөх удирдагчдын шарил хадгалагдаж буй
юм.
“Ерөнхийлөгч
болон удирдагч агсны нойрсож буй танхимуудад Ерөнхий нарийн бичгийн дарга болон
түүний гэргий нар жинхэнэ ард түмний, хөгжин цэцэглэсэн социалист улсыг
байгуулж, түүнийгээ ирээдүй хойч үедээ өвлүүлэхийн төлөө бүхий л амьдралаа
зориулсан агуу удирдагчдад үүрдийн сайн сайхныг хүсэн ерөөлөө” гэж “KCNA” агентлаг мэдээлжээ.
Ри Соль Жугийн
хувьд Солонгосын Ардын армийн томоохон анги нэгтгэлийн алба хаагчдын гэр бүлийн
гишүүдийн урлагийн тоглолтыг үзэж сонирхсоноосоо хойш дөрвөн сар орчмын дараа
ийнхүү олны өмнө ил гарч ирсэн байна.
