Ulaanbaatar
Архангайнхан “Эрүүл байх Миний эрх” уриалгад нэгдэв
ОРОН НУТГИЙН МЭДЭЭ | АРХАНГАЙ
Архангай /МОНЦАМЭ/. Өнөөдөр Дэлхий даяараа ДОХ-той тэмцэх өдөр. Энэхүү “Дэлхийн ДОХ-ын эсрэг өдөр”-ийн хүрээнд Архангай аймгийн Эрүүл мэндийн газраас санаачлан “Эрүүл байх Миний эрх” уриалга гарган орон нутгийн түвшинд ДОХ-ын эсрэг өдрийн арга хэмжээнүүдийг зохиолн байгуулж байна. Тухайлбал, 11-р сарын 27-ноос эхлэн ЕБС, их дээд сургуулийн оюутан, сурагчдад БЗХӨ-ний талаарх мэдээллийг шат дараатай өгч, Архангай аймагт үйл ажиллагаа явуулж буй бүхий л төрийн болон ТББ-уудын албан хаагчдыг “Эрүүл байх Миний эрх” уриалгад нэгдүүлж, мэдээлэл өгчээ.
Мөн аймгийн Эрүүл мэндийн газрын дэргэдэх “Ирээдүйн босго” өсвөр үеийн төв нь ФЛОМ ОУБ-тай хамтран “Өсвөр насны охидын нөхөн үржихүйн эрүүл мэнд” төслийг өнгөрөгч гуравдугаа сараас эхлүүлж, ЕБС-ийн ахлах ангийн 300 гаруй сурагчийг нөхөн үржихүйн эрүүл мэнд болон БЗДХ/ДОХ болон бэлгийн замын халдварт өвчнөөс урьдчилан сэргийлэх сургалтад хамруулжээ.
Архангай аймагт энэ оны 10 дугаар сарын байдлаар БЗДХ/ДОХ илрүүлэх үзлэгийг нийт 2597 хүнд хийжээ. Үүнээс БЗДХ-ын 168 тохиолдол илэрснээс тэмбүү 72, заг хүйтэн 12, трихоминаз 84 тохиолдол тус тус шинээр илэрснийг эмчлэн эрүүлжүүлсэн байна.
Мөн аймгийн Эрүүл мэндийн газрын дэргэдэх “Ирээдүйн босго” өсвөр үеийн төв нь ФЛОМ ОУБ-тай хамтран “Өсвөр насны охидын нөхөн үржихүйн эрүүл мэнд” төслийг өнгөрөгч гуравдугаа сараас эхлүүлж, ЕБС-ийн ахлах ангийн 300 гаруй сурагчийг нөхөн үржихүйн эрүүл мэнд болон БЗДХ/ДОХ болон бэлгийн замын халдварт өвчнөөс урьдчилан сэргийлэх сургалтад хамруулжээ.
Архангай аймагт энэ оны 10 дугаар сарын байдлаар БЗДХ/ДОХ илрүүлэх үзлэгийг нийт 2597 хүнд хийжээ. Үүнээс БЗДХ-ын 168 тохиолдол илэрснээс тэмбүү 72, заг хүйтэн 12, трихоминаз 84 тохиолдол тус тус шинээр илэрснийг эмчлэн эрүүлжүүлсэн байна.
Б.Гэрэлт-Од
