Баянхонгор /МОНЦАМЭ/. Баянхонгор аймгийн ИТХ-ын ээлжит наймдугаар хуралдаанаар Баянхонгор аймгийн 2018 оны төсвийг хэлэлцэн баталлаа. Аймгийн төсвийн нийт зарлага 2017 онд  59.1 тэрбум төгрөг байсан бол 2018 онд 65.5 тэрбум төгрөг болж, 6.4 тэрбум төгрөгөөр өссөн  байна. 
Үүнд, Тусгай зориулалтын шилжүүлгийн байгууллагуудын 2017 оны нийт зарлага 38.7 тэрбум төгрөг байсан бол 2018 онд 39.9 тэрбум төгрөг болж 1.2 тэрбум төгрөгөөр нэмэгдүүлж батлуулжээ.
Орон нутгийн төсөвт байгууллагуудын нийт зарлага 2017 онд 17.9  тэрбум төгрөг байсан бол 2018 онд 18.5 тэрбум төгрөг болж 620.0 сая төгрөгөөр нэмэгдүүлж батлуулсан байна. Улсын төсвөөс орон нутгийн хөгжлийн санд олгох орлогын шилжүүлэг 2017 онд 2.1 тэрбум төгрөг байсан бол 2018 онд 3.7 тэрбум  төгрөг болж 1.6 тэрбум төгрөг нэмэгдэж мөн орон нутгийн хөрөнгө оруулалтад 2.9 тэрбум төгрөгийг нэмж баталсан байна. Үүнийг батлагдсан аргачлалын дагуу хуваарилахад аймгийн ОНХСанд 1.6 тэрбум, сумдын ОНХСанд 1.5 тэрбум төгрөг, Хот тохижилт болон  мал эмнэлгийн үйлчилгээний төлбөрт 636.2 сая төгрөг, Орон нутгийн хөрөнгө оруулалт аймагт 2.0 тэрбум төгрөг, сумдад 898.4 сая төгрөг хуваарилагдаж байгаа юм.
Улсын төсвийн хөрөнгө оруулалт 2017 онд 3.9 тэрбум байсан бол 15.7 тэрбум төгрөг болж 11.8 тэрбум төгрөгөөр нэмэгдсэн байна.

Төсвийн хүрээнд орон нутгийн хөгжлийн сангийн хөрөнгөөр 2018 онд Баянхонгор аймагт хэрэгжүүлэх төсөл, хийгдэх арга хэмжээний жагсаалт
1. 1 ШИЛЖИХ ХӨРӨНГӨ ОРУУЛАЛТ
1.1.1 Угалз Дөрөвдүгээр багт спорт заал бүхий багийн Хөгжлийн төв барих
1.1.2 Гурванбулаг Усан сангийн засвар, усан сангийн барилга
1.1.3 Тээврийн товчооны үйлчилгээний газруудыг цэвэр бохирын шугаманд холбох
1.1.4 Аймгийн төвийн 10 км хатуу хучилттай замын ажил
1.2 ШИНЭЭР ЭХЛЭХ ХӨРӨНГӨ ОРУУЛАЛТ
1.2.1 Гурванбулаг сум Халуун усны барилга барих
1.2.2 Галуут сумын 1 дүгээр багийн төвийг шинээр барих
1.2.3 Заг сумын Хар усны багийн төвийг шинээр барих
1.2.4 Баянбулаг сумын 2 дугаар багт багийн төвийг шинээр барих
1.2.5 Богд сумын 3 дугаар багийн төвийг шинээр барих
1.2.6 Хуримын ордон барих
1.2.7 Сурын талбайн тохижилт
1.2.8 Баянхонгор сумын 5.6 дугаар багт өрхийн эмнэлэг барих
1.2.9 14-р байрны дээвэр, орц, гадна фасадны засвар
1.2.10 13-р байрны дээвэр, орц, гадна фасадны засвар
1.2.11 22-р байрны засвар
1.2.12 26-р байрны засвар
1.2.13 20 дүгээр байрны их засвар
21 дүгээр байрны их засвар
1.2.14 Бууцагаан сумын хуучин сургууль, спорт залыг шинэчлэн засварлаж түрээсийн орон сууцаар ашиглах
1.2.15 Баянхонгор сумын 2.3 дугаар багийн гэр хороололд спортын талбай, цэцэрлэгт хүрээлэн
1.2.16 Баянхонгор сумын төвд 1 км хатуу хучилттай автозам
1.2.17 Хүчирхийллийн эсрэг төвийн Баянхонгор аймаг дахь салбарын 1 цэгийн үйлчилгээний төвийн байрны хашаажуулалтыг хийх
1.2.18 Эрдэнэцогт сумын 1 дүгээр багийн сургууль, цэцэрлэгийн цогцолбор /Баянхонгор аймаг Эрдэнэцогт сум/
1.2.19 Баянговь сумын халуун усны барилгын их засвар
1.2.20 3.6 дугаар багт эрчим хүчний хүчин чадлыг өргөтгөх, ухаалаг тарифт тоолуур нэвтрүүлэх
1.2.21 Бөмбөгөр сумын Хөх толгойн 2 дугаар багийг эрчим хүчинд холбох
1.2.22 Баянхонгор сумын 13.14 дугаар байрнуудын цэвэр, бохирын шугамыг сольж шинэчлэх
1.2.23 Баянбулаг сумын Соёлын төвийн шал, фасадыг засварлах
1.2.24 Жаргалант сумын Соёлын төвийн шалыг шинэчлэх
1.2.25 Баянөндөр сумын спорт залны барилгын үлдэгдэл санхүүжилт
1.2.26 Бөмбөгөр суманд спорт зал шинээр барих
1.3 ТОНОГ ТӨХӨӨРӨМЖ
1.3.1 Гэр хорооллын усан сангуудад ус цэвэршүүлэгч төхөөрөмж тавих, ухаалаг усан сан төсөл хэрэгжүүлэх
1.3.2 Шинэ суурьшлын бүсийн хэсэгчилсэн төлөвлөгөө хийлгэх
1.3.3 Баянхонгор сумын гэр хороололд агаар, хөрсний бохирдлоос сэргийлсэн стандарт 00 барих
1.3.4 Шинэжинст сумын төвөөс шинээр гаргасан худагийг цахилгааны эх үүсвэртэй болгох, сумруу цэвэр усны шугам татах
1.3.5 2.3.7.9 дүгээр багийн гэр хорооллын гэрэлтүүлэг,камержуулалт, интернет орчин бүрдүүлэх, гамшгийн үеийн дохиоллын сирена суулгах
1.3.6 Аймгийн аюулгүй нөөцийн газарт хашаа барих
1.4. БУСАД
1.4.1 Цаг агаарт зориудаар нөлөөлж хур тунадас нэмэгдүүлэх
1.4.2 Бэлчээрийн хортон мэрэгчтэй тэмцэх арга хэмжээ авах
1.4.3 Улсын баяр наадмын зардал
1.4.4 Баянцагаан Баянговийн чиглэлд Жи мобайлын сүлжээ оруулах
1.4.5 ТЭЗҮ, зураг төсөв хийлгэх
1.4.6 Баянхонгор сумын Мазаалай цэцэрлэгт хүрээлэнгийн нуурын усыг сэлгэх байгууламж барих
1.4.7 Баянхонгор-Өлзийт чиглэлийн замын дагуу мод тарих, Баянхонгор сумын ойн зурвасын хамгаалалтыг сайжруулах,аймгийн төвийн ногоон байгууламжийг нэмэгдүүлэх
1.4.8 Баянхонгор аймгийн Цахим мэдээллийн нэгдсэн системийг бий болгож "Ухаалаг Баянхонгор" хөтөлбөр хэрэгжүүлнэ.
1.4.9 Баянхонгор сумын хаягжилт 
                                                                                                              Б.Мөнхзул