Ulaanbaatar
ХӨЛ БӨМБӨГИЙН ДАШТ 1962
ДЭЛХИЙН МЭДЭЭ | СПОРТ
1962 оны хөлбөмбөгийн ДАШТ Чили улсад 1962 оны 5-р сарын 30-наас 6-р сарын 17 -ны өдрүүдэд Арика хотын Карлос Диттборн, Ранкагуагийн Браден, Сантьягогийн Үндэсний цэнгэлзэх хүрээлэн, Винья-дель-Марын Саусалито цэнгэлдэх хүрээлэнгүүдэд болж өнгөрсөн юм.
1956 оны ДХБХ-ны их хурлаас ДАШТ-ийг зохион явуулах санал ирүүлсэн Аргентин, Чили, ХБНГУ-аас (Аргентин улсын боломж илүү харагдаж байсан ч) Чили улсад ДАШТ 1962-ийг хийхээр тогтжээ. Энэ шийдвэр гарахад Чили улсын ХБХ-ны тэргүүн Карлос Диттборны хичээл зүтгэл ихээр нөлөөлсөн хэмээн үздэг. Иймээс ч Чили улсын Арика хотын цэнгэлдэх хүрээлэнг (1962 онд баригдсан) түүний нэрээр нэрэлсэн байдаг. Харамсалтай нь тэрээр тэмцээн эхлэхээс сарын өмнө 38-хан насандаа ертөнцийн мөнх бусыг үзүүлсэн билээ. ДАШТ-ний урьдчилсан шатны тоглолтод Ази, Африкийн багууд тивээсээ шалгараад заавал Европ юмуу Өмнөд Америкийн багтай тоглож байж эрх авахаар тогтсоны улмаас тус тивүүдийн багууд хоёр удаа дараалан ДАШТ-ний шигшээ тоглолтонд оролцолгүй өнжиж байжээ.
Энэ удаагийн ДАШТ-нд багуудыг 4 хэсэгт хуваасан ба хэсэгтээ 2 ба 3-аар байр эзэлсэн багуудын оноо тэнцсэн тохиолдолд бөмбөгийн зөрүүг тооцон хасагдах шатанд гарахаар шийдвэрлэжээ.
Шигшээ тоглолтод Бразили, Чехсловакийн багууд хүч үзэн Бразилийн шигшээ баг 3:1-ийн харьцаатайгаар ялж, 2 дахь удаагаа дэлхийн аварга цолыг хүртэв.
Энэ удаагийн ДАШТ-нд багуудыг 4 хэсэгт хуваасан ба хэсэгтээ 2 ба 3-аар байр эзэлсэн багуудын оноо тэнцсэн тохиолдолд бөмбөгийн зөрүүг тооцон хасагдах шатанд гарахаар шийдвэрлэжээ.
Шигшээ тоглолтод Бразили, Чехсловакийн багууд хүч үзэн Бразилийн шигшээ баг 3:1-ийн харьцаатайгаар ялж, 2 дахь удаагаа дэлхийн аварга цолыг хүртэв.
Тус ДАШТ-ний сонирхолтой баримтуудыг дурдвал:
- 1960 оны 5-р сард Чилид 9,8 баллын хүчтэй газар хөдлөлт болж их хэмжээний хохирол учрахад Аргентинчууд мөн л ДАШТ-ийг шилжүүлэх талаар хөөцөлдөж эхэлсэн аж. Энэ үед Чили улсын ХБХ-ны тэргүүн Карлос Диттборн “Бидэнд ДАШТ-ийг минь үлдээгээд өгөөчээ... Угаасаа үүнээс өөр юу ч үлдсэнгүй” гэдэг алдарт үгээ хэлсэн байдаг.
- 6-р сарын 13-нд Винья-дел-Мар хотод болсон Югослав и Чехословакийн багийн тоглолтыг 6000 хүрэхгүй үзэгч үзсэн нь түүхэнд хамгийн бага үзэгчтэй тоглолт хэмээн тэмдэглэгдэн үлдсэн.
- ЗХУ-ын баг Уругвайн шигшээтэй тоглож байх үед Численко-гийн цохисон бөмбөг Уругвайн хаалганы араас торны цоорхойгоор орсныг шүүгч тооцсон байдаг. Харин ЗХУ-ын багийн ахлагч Игорь Нетто хэсгийн шийдвэрлэх тоглолтын нэг байсан ч гоол ороогүйг нотолж тоог хэвээр үлдээж Fair Play буюу Шударга тоглогчийн жишээ үзүүлж байв. Энэ тоглолтод ЗХУ хожсон.
- ДАШТ 1962 Пеле ба Яшины хувьд азгүй тэмцээн байв. Пелегийн хувьд хэдийгээр Мексикийн эсрэг тоглолтод нэг гоол хийсэн ч Чехословактай тоглож байх үедээ урьд нь авсан гэмэл нь сэдэрч ДАШТ-ийг дуусгасан бол Яшины хувьд ЗХУ-Колумбын тоглолтын үед тархи нь хөдөлснөөс шөвгийн наймд тааруухан тоглож баг нь хасагджээ.
- ДАШТ 1962-ын мэргэн буучаар ЗХУ-ын Валентин Иванов, Бразилийн Гарринча, Вава, Чилийн Леонель Санчес, Унгарын Флориан Альберт, Югославын Дражан Еркович нар тус бүр 4 гоол оруулсан амжилтаар тодорч байжээ.
ДАШТ1930 ДАШТ1934 ДАШТ1938 ДАШТ1950 ДАШT1954 ДАШТ1958 ДАШТ1966 ДАШТ1970 ДАШТ 1974 ДАШТ1978 ДАШТ1982 ДАШТ1986 ДАШТ1990 ДАШТ 1994 ДАШТ 1998 ДАШТ2002
С.Баярсайхан
