Сүүлийн дөчөөд жил болоогүй хүйтрэл болжээ
ОРОН НУТГИЙН МЭДЭЭӨнгөрсөн долоо хоногт Сүхбаатар аймгийн нийт нутгаар хүйтний эрч эрс чангарч, аймгийн төвд агаарын температур шөнөдөө -40 хэм хүрсэн нь тус аймгийн нутаг дэвсгэрт сүүлийн дөчөөд жил тохиогоогүй хүйтрэл болжээ.
1 сарын 23-ны шөнө Наран, Дарьганга сумдад бүр -45 хэм хүртэл хүйтэрсэн байна.
Ойрын өдрүүдийн цаг агаарын урьдчилсан мэдээгээр энэ сарын 30-нд зарим газраар бага зэргийн цас орж, ихэнх хугацаанд салхи хойноос секундэд 5-10 метр хүрч, явган шуурга шуурна. Агаарын температур шөнөдөө 28-33, өдөртөө 17-22 градус хүйтэн байна. Ирэх долоо хоногоос ихэнх нутгаар хүйтний эрч суларна гэдгийг албаны хүн хэллээ.
Т. Одончимэг