Улаанбаатар
Г.Отгонцэцэг “Энэрэл” төвийн хүүхдүүдийг баярлууллаа
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. Казахстан улсын спортын гавьяат тамирчин Г.Отгонцэцэг энэ жил хөгжлийн бэрхшээлтэй хүүхдийг хөгжүүлэх "ЭНЭРЭЛ" төвд зочилж, хүүхдүүдэд бэлэг гардуулсан байна.
Олимпийн
хүрэл медальт Г.Отгонцэцэг жил бүрийн шинэ жилийн баяраар эх орондоо
ирэхдээ ийнхүү бяцхан
багачуудыг баярлуулдаг уламжлалтай. Тэрбээр 2016
онд “Өнөр бүл” асрах газрын хүүхдүүдэд шинэ жилийн бэлэг гардуулахын зэрэгцээ
мөнгөн туслалцаа үзүүлж байсан. Мөн өнгөрсөн жил "Ид шидийн орон"-ы
хүүхэд багачуудыг баярлуулсан юм.
Тэр
энэ талаар өөрийн нүүр номондоо "Энэ удаад...Энэрэл хүүхэд хөгжлийн төвд
очиж, бяцхан дүү нартаа бэлэг өгч баярлууллаа. Тус төв нь тархиний саажилттай
хүүхдийн хөгжилд анхаарч, тэдэнд хөгжих боломж олгон өөрийг нь нийгмийн нэг
хэсэг гэдгийг мэдрүүлж, бусад хүүхдүүдийн адилаар хөгжүүлж байна. Тус төвийн
хамт олонд маш их баярлалаа" хэмээн бичжээ.
