М.Помпео БНАСАУ-ын төлөөлөгчтэй энэ долоо хоногт уулзана
ДЭЛХИЙН МЭДЭЭ | УЛС ТӨРСӨҮЛ. /Reuters/. АНУ-ын Төрийн
нарийн бичгийн дарга Майк Помпео энэ долоо хоногийн пүрэв эсвэл баасан гарагт
БНАСАУ-ын Хөдөлмөрийн намын Төв хорооны орлогч дарга Ким Ён Чольтой Вашингтон хотноо уулзана
гэж БНСУ-ын “Chosun Ilbo” сонин мягмар гарагт мэдээлэв.
БНАСАУ-ын төлөөлөгч мөн АНУ-ын Ерөнхийлөгч Дональд Трамптай уулзах хүсэлтэй
байгаа гэж “Chosun Ilbo” сонин АНУ-БНАСАУ-ын хэлэлцээний ойрын эх сурвалжийг иш
татан мэдээлсэн байна.
БНСУ-ын сонинд гарсан мэдээллийн талаар АНУ-ын Төрийн департаментын төлөөлөгчөөс лавлахад, “Бидэнд уулзалтын талаар мэдээлэл байхгүй байна” гэж мэдэгдсэн бол Цагаан ордон хариу өгөөгүй байгаа ажээ.
Энэ сарын эхээр БНАСАУ-ын удирдагчаас таатай захидал хүлээн авсан гэж АНУ-ын
төрийн тэргүүн мэдэгдээд, Ким Жөн Унтай нэг юм уу хоёрдугаар сард уулзаж магадгүй
гэж хэлсэн билээ.