Улаанбаатар
Академич Х.Намсрайг “Хүндэт дэвтэр”-т бичиж алдаршуулав
МОНГОЛЫН МЭДЭЭ | НИЙГЭМУлаанбаатар /МОНЦАМЭ/. ШУА-ийн Ахмадын холбоо энэ жилээс “Хүндэт дэвтэр”-тэй болж байгаа бөгөөд энэхүү дэвтэрт жилдээ гурван эрдэмтнийг онцлон алдаршуулж өргөмжлөл, мөнгөн шагнал олгож байхаар болжээ. Анхны шагналаа академич Х.Намсрайд гардууллаа.
ШУА-ийн Тэргүүлэгчдийн газар сар шинийн баярыг угтан,
ахмадуудаа өнөөдөр хүндэтгэн хүлээн авав. Энэ үеэр ШУА-ийн
ерөнхийлөгч Д.Рэгдэл, “2018 онд ШУА-ийн эрдэмтэд судлаачдын улс орон, нийгэмд
оруулсан хувь нэмрийг дурдаад 2019 онд эрдэмтэд байр сууриа бэхжүүлж, тодруулсан он болно
гэдэгт найдаж байна” гэв.
ШУА нь 2018 онд монголын ахмад настны хуулийн дагуу
дэргэдээ “Ахмадын холбоо”-г албан ёсоор байгуулсан бөгөөд холбооны даргаар
ахмад эрдэмтэн Ш.Чунаг ажиллаж байгаа юм. Тэрбээр 2019 онд ШУА-ийн
ахмадууд Улаанбаатар сувилалд дараалалгүй үйлчлүүлэх болсныг дуулгалаа.
Ахмадын холбоо 500 гаруй гишүүнтэй бөгөөд энэ хугацаанд
холбооны дүрэм журмыг шинэчлэн баталж үйл ажиллагааны эрх зүйн
орчноо бүрдүүлжээ.
