Улаанбаатар
“Дархан бэр” өргөмжлөлийг Дархан сумын засаг даргын нэрэмжит шагнал болгов
ОРОН НУТГИЙН МЭДЭЭ | ДАРХАН-УУЛ
Дархан-Уул
/МОНЦАМЭ/. Гурван хүү
дарааллан төрүүлсэн эхэд өөрийнх нь хүсэлтийг үндэслэн олгодог “Дархан бэр”
өргөмжлөлийг Дархан сумын Засаг даргын нэрэмжит шагнал болгохыг сумын
ИТХ-ын тэргүүлэгчид 2019 оны 02 дугаар сарын 27-ны өдрийн хуралдаанаараа хэлэлцэн
баталжээ.
2011 оноос эхлэн Дархан
сумын 6 дугаар багаас
анх санаачлан “Дархан бэр” өргөмжлөлийг олгож эхэлсэн ажээ.
Өнөөдрийг хүртэлх хугацаанд Дархан
сумын хэмжээнд нийт 1100 гаруй эхийг “Дархан бэр”-ээр өргөмжлөн алдаршуулсан аж.
Жил
бүрийн 3 дугаар сарын 8-нд тохиодог Олон улсын эмэгтэйчүүдийн эрхийг хамгаалах
өдрөөр Дархан бэрийг тодруулдаг. Тус өдрийг аймгийн Эмэгтэйчүүдийн холбооноос “Мянган-Ээж”-ийн
баяр болгон тэмдэглэн өнгөрүүлдэг. Тус баярын хүрээнд Ачлалт, Буянтай,
Энэрэлт Ээж зэрэг 9 алдарт эхийг тодруулахын зэрэгцээ Дархан бэрүүдийн шагналыг
гардуулдаг уламжлалтай.
Ийнхүү
энэ жилээс эхлэн Дархан бэрийн өргөмжлөл Дархан сумын засаг даргын нэрэмжит
болж эзэддээ хүрэх аж.
