Улаанбаатар
"Бүсгүй танаа" тоглолтод 60-70-аад оны шилдэг дуунууд эгшиглэнэ
МОНГОЛЫН МЭДЭЭ | СОЁЛ УРЛАГ
Улаанбаатар /МОНЦАМЭ/. Монгол Улсын Филармоны уран бүтээлчид Олон Улсын Эмэгтэйчүүдийн эрхийг хамгаалах өдрийг тохиолдуулан “Бүсгүй танаа” баярын тоглолтоор бүсгүйчүүдэд бэлэг барих гэж байна.
Энэ сарын 7-ны өдрийн 19 цагт ганцхан удаа Соёлын төв өргөөний тайзнаа тоглох тоглолтод Монголын 1960-1970 оны шилдэг дуу болон анхны эстрадын дуунаас дээжлэх аж.
Тоглолтыг Морин хуурын чуулгын удирдаач МУСТА Д.Түвшинсайхан, Баянмонгол жазз найрал хөгжмийн удирдаач МУСТА С.Саруул-Од нар удирдана. Эстрадын нэрт дуучин МУГЖ Х.Төмөрбаатар, МУГЖ Б.Мөнхбаатар, МУГЖ С.Эрдэнэцэцэг, МУСТА С.Баттулга, Н.Наранбаатар, Ц.Хулан, Б.Дэлгэрбаяр, Л.Насанбуян, Б.Монголхүү, Т.Отгонбаяр нарын дуучин ая дуугаа өргөх юм.
Холбоотой мэдээ
