Венесуэлд хоригдлууд олноороо оргон зугтсан хэрэг гарчээ

Дэлхийд | Нийгэм
ayanzaya@montsame.gov.mn
2019-04-17 10:11:38

КАРАКАС. /РИА Новости/. Венесуэлийн Нуэва-Эспарта мужийн шоронгоос хоригдлууд олноороо оргон зугтсаны улмаас нэг хүн амь үрэгдэж, хоёр хүн бэртсэн хэрэг гарчээ.


Noticias Venezuela” цахим хуудасны мэдээлснээр, хүйтэн зэвсэгтэй 60 орчим хоригдол хамгаалалтын хоёр ажилтан руу халджээ. Хамгаалалтын ажилтнууд бэртэж, эмнэлэгт хүргэгдсэн байна. Урьдчилсан мэдээллээр, хоригдлуудын нэг нь амиа алджээ.


Оргодлууд харуулын байранд байсан зэвсгийг авч, зугтаж чадсан байна. Одоогоор оргон зугтсан гэмт хэрэгтнүүдийг засан хүмүүжүүлэх газрын ойр орчмоос эрэн сурвалжилж байгаа талаар мэдээлжээ.  

Холбоотой мэдээ