БНАСАУ-ын Залуучуудын холбооны тэргүүн ОХУ-ыг зорьжээ
ДЭЛХИЙН МЭДЭЭ | УЛС ТӨРПХЕНЬЯН. /TASS/.
БНАСАУ-ын Кимирсенизм-кимчениризмийн залуучуудын холбооны тэргүүн Пак
Чоль Мин яриа хэлэлцээ хийх зорилгоор ОХУ-ыг зорьжээ. Энэ тухай
БНАСАУ дахь ОХУ-ын Элчин сайдын яам “Facebook” хуудсаараа дамжуулан мэдэгдсэн байна.
“ОХУ-д долоо хоногийн айлчлал хийх үеэрээ БНАСАУ-ын зочид ОХУ-ын
төлөөлөгчидтэй яриа хэлэлцээ хийж, Москва болон Санкт-Петербург хотыг зорино” хэмээн тус мэдэгдэлд дурджээ. БНАСАУ-ын
төлөөлөгчид Залуучуудын асуудал эрхэлсэн Холбооны агентлагийн урилгаар ОХУ-д
айлчилж байгаа аж.
Тус агентлагийн төлөөлөгчид өнгөрсөн оны 11 дүгээр сард Пхеньянд гурван өдрийн
айлчлал хийж,БНАСАУ-ын төлөөлөгчидтэй хэд хэдэн удаа уулзжээ. Уулзалтын үеэр
талууд залуучуудын солилцооны хөтөлбөрийн байгууллагуудын илүү өргөн хүрээтэй
хамтран ажиллах асуудлыг хэлэлцжээ.