Элчин сайд Б.Дэлгэрмаа ОХУ-ын Гадаад хэргийн дэд сайдтай уулзав

МОНГОЛЫН МЭДЭЭ | ГХЯ-НЫ МЭДЭЭ
ariunbold@montsame.gov.mn
2019-04-29 08:56:02

Улаанбаатар /МОНЦАМЭ/. ОХУ-ын Гадаад хэргийн дэд сайд М.Л.Богданов Монгол Улсаас ОХУ-д суугаа Онц бөгөөд Бүрэн эрхт Элчин сайд Б.Дэлгэрмааг энэ сарын 26-нд хүлээн авч уулзав.


Уулзалтын үеэр, Гадаад хэргийн дэд сайд М.Л.Богданов Элчин сайд Б.Дэлгэрмааг хоёр улсын стратегийн түншлэлийн харилцаа, хамтын ажиллагааг өргөжүүлэн хөгжүүлж баяжуулахад үнэтэй хувь нэмэр оруулсныг тэмдэглэв.


Элчин сайд Б.Дэлгэрмаа ОХУ-д ажиллах хугацаанд Гадаад хэргийн яамны удирдлага болон холбогдох газруудаас дэмжлэг үзүүлж, хамтран ажилласанд талархахын зэрэгцээ хоёр орны харилцаа цаашид улам өргөжин хөгжинө гэдэгт итгэлтэй байгаагаа илэрхийлэв.

Холбоотой мэдээ