Э.Содномпэлжээ ДАШТ-ий классик төрөлд мөнгөн медаль хүртлээ

Монголын мэдээ | Спорт
ulzii@montsame.mn
2019-05-21 17:41:47

Улаанбаатар /МОНЦАМЭ/. “Рио 2016” паралимпын хүрэл медальт, Монгол Улсын гавьяат тамирчин Э.Содномпэлжээ Японы Токио хотноо Классик пауэрлифтингийн хэвтээ шахалтын Дэлхийн аварга шалгаруулах тэмцээний мөнгөн медальтан болов.


Тэрбээр энэ тэмцээний эрэгтэйчүүдийн -105 кг-д 247 кг өргөж дэд аварга болсон бол АНУ-ын тамирчид алт, хүрэл медалийн эзэд болжээ. Э.Содномпэлжээ энэ жилээс эхлэн эрүүл тамирчидтай өрсөлдөж эхэлсэн бөгөөд хэвтээ шахалтын ДАШТ-ээс ийнхүү мөнгөн медаль хүртэж байна.


Монголын багаас Дэлхийн залуучуудын аварга шалгаруулах тэмцээний 74 кг-д өрсөлдсөн Э.Галбаяр 170 кг шахаж хүрэл медаль хүртсэн бол ахмад тамирчдаас 105 кг-д Ц.Мөнхбаатар 182,5 кг-ыг шахаж мөнгөн медалийн эзэн болжээ. Токио хотноо болж буй Классик пауэрлифтингийн хэвтээ шахалтын ДАШТ энэ сарын 26-нд өндөрлөнө.

Холбоотой мэдээ