ГХЯ-ны Хэвлэлийн төлөөлөгч мэдэгдэл гаргав

Монголын мэдээ | ГХЯ-ны мэдээ
ariunbold@montsame.mn
2019-07-01 09:44:46

Улаанбаатар /МОНЦАМЭ/. АНУ-ын Еpөнхийлөгч Дональд Тpамп, БНАСАУ-ын удиpдагч Ким Жөн Ун, БНСУ-ын Ерөнхийлөгч Мүн Жэ Ин наpын уулзалттай холбогдуулан Монгол Улсын ГХЯ-ны Хэвлэлийн төлөөлөгч мэдэгдэл гаргажээ.


Уг мэдэгдэлд, "АНУ-ын Ерөнхийлөгч Д.Трамп, БНАСАУ-ын Төрийн Зөвлөлийн дарга Ким Жөн Ун, БНСУ-ын Ерөнхийлөгч Мүн Жэ Ин нар энэ сарын 30-нд цэрэггүй бүст уулзаж, АНУ-ын Ерөнхийлөгч түүхэнд анх удаа БНАСАУ-ын нутаг дэвсгэрт хөл тавьсан нь Солонгосын хойгийн энх тайван, аюулгүй байдлыг бэхжүүлж, яриа хэлэлцээг дараагийн шатанд гаргахад нэн чухал алхам боллоо.


Монголын төр, засаг, олон нийт үүнд баяр хүргэхийн хамт АНУ-БНАСАУ-ын гурав дахь удаагийн дээд түвшний уулзалт болон АНУ-БНАСАУ-БНСУ-ын анхдугаар гурван талт уулзалт нь холбогдох талуудын хооронд итгэлцлийг бэхжүүлж, Солонгосын хойгийг цөмийн зэвсгээс ангижруулж, Зүүн хойд Азийн бүс нутагт хөгжил цэцэглэл, олон талт хамтын ажиллагааг эрчимжүүлэхэд түлхэц болно хэмээн итгэж байна" хэмээжээ.

Холбоотой мэдээ