Таван хүн 10 сая төгрөг хожив

Монголын мэдээ | Нийгэм
192@montsame.mn
2019-07-22 09:30:41

Улаанбаатар /МОНЦАМЭ/. НӨАТ-ын урамшууллын өнгөрсөн сарын сугалааны тохирол өнгөрсөн ням гаригт боллоо.

Энэ удаагийн тохиролд зургадугаар сарын 1-30-н хүртэлх хугацаанд худалдан авалт хийсэн цахим төлбөрийн 26 сая 207 мянга 697 баримт хамрагдсан байна. Сугалааны тохирлын супер шагнал 50 сая төгрөг байсан ч баримтын сугалааны найман орон нь таарсангүй. Харин 10 сая төгрөгийн таван азтан тодроод байна.

  • Баримтын сугалааны арын 3 орон тоо нь таарсан буюу 30 мянган төгрөгийн азтан: 26 мянга 277 иргэн
  • Баримтын сугалааны арын 4 орон тоо нь таарсан буюу 100 мянган төгрөгийн азтан: 2574 иргэн
  • Баримтын сугалааны арын 5 орон тоо нь таарсан буюу нэг сая төгрөгийн азтан: 271 иргэн
  • Баримтын сугалааны арын 6 орон тоо нь таарсан буюу 5 сая төгрөгийн азтан: 28 иргэн
  • Баримтын сугалааны арын 7 орон тоо нь таарсан буюу 10 сая төгрөгийн азтан: 5 иргэн тус тус тодорсон байна.

НӨАТ-ын урамшууллын сугалааны дараагийн тохирол наймдугаар сарын 18-нд болно

Холбоотой мэдээ