Улаанбаатар
Халдлагын улмаас амиа алдсан хүмүүст эмгэнэл илэрхийллээ
ДЭЛХИЙН МЭДЭЭ | НИЙГЭМ
НЬЮ-ЙОРК. /TASS/.
АНУ-ын Техас муж улсын Эль-Пасо хот болон Охайо муж улсын
Дейтон хотод болсон халдлагын улмаас амиа алдсан хүмүүсийн гэр бүлийнхэн, шархадсан
хүмүүст АНУ-ын Үндэсний галт зэвсгийн холбоо эмгэнэл илэрхийлжээ.
“Болсон явдлын улмаас амиа алдсан
хүмүүсийн гэр бүлийнхэнд бид гүнээ эмгэнэл илэрхийлж байна. Галт зэвсэг
хадгалах болон эзэмших иргэний эрхийг тодорхойлдог АНУ-ын Үндсэн
хуулийн хоёрдугаар нэмэлт өөрчлөлтийн дагуу эрх чөлөөгөө эдэлж буй иргэдийн галт зэвсгийг
аюулгүй, хууль ёсны дагуу ашиглах зарчмыг бид баримталдаг” хэмээн мэдэгдэлд
дурджээ.
Сүүлийн хоёр хоногийн хугацаанд АНУ-д гал нээсэн хэд хэдэн хэрэг болсны
улмаас нийт 29 хүн амиа алджээ. Өнгөрсөн бямба гарагт Эль-Пасо хотын “Walmart” худалдааны төвд зэвсэгт этгээд гал нээсний улмаас 20
хүн амиа алдаж, 26 хүн шархаджээ. Түүнчлэн гал нээсний улмаас 9 хүний амийг авч
одсон хэрэг өнгөрсөн ням гарагт Дейтон хотын төвд болсон юм.
