БНХАУ-тай дипломат харилцаа тогтоосны 70 жилийн ойг тохиолдуулан баярын цахилгаан илгээв

Монголын мэдээ | Улс төр
ariunbold@montsame.mn
2019-10-17 17:43:58

Улаанбаатар /МОНЦАМЭ/. Монгол Улс, БНХАУ дипломат харилцаа тогтоосны түүхт 70 жилийн ойг тохиолдуулан Монгол Улсын Ерөнхийлөгч Х.Баттулга БНХАУ-ын дарга Си Жиньпинд баярын цахилгаан илгээж, мэндчилгээ дэвшүүллээ.


МОНГОЛ УЛСЫН ЕРӨНХИЙЛӨГЧИЙН БАЯРЫН ЦАХИЛГААНД:


“Эрхэмсэг ноён Дарга аа,


Монгол Улс, Бүгд Найрамдах Хятад Ард Улс дипломат харилцаа тогтоосны 70 жилийн ойг тохиолдуулан Танд болон Хятадын ард түмэнд чин сэтгэлийн баярын мэндчилгээ дэвшүүлье. Дипломат харилцааны энэхүү түүхэн ойн босгон дээр талууд 70 жилийн харилцаагаа дүгнэж, цаашдын хамтын ажиллагааны алс ирээдүйн чиглэлээ дээд түвшинд хэлэлцэж тодорхойлсонд баяртай байна.


Өнөөдөр манай хоёр улс Иж бүрэн стратегийн түншлэлээ бүхий л салбарт амжилттай хөгжүүлж буй нь хоёр ард түмний эрх ашигт бүрэн нийцэж, бүс нутгийн энхтайван, хөгжил дэвшилд чухал хувь нэмэр оруулж байгаад сэтгэл хангалуун байна. Хоёр орны найрсаг харилцаа, өргөн хүрээтэй түншлэлийг улам бататган хөгжүүлэх үйлсийн төлөө цаашид ч Тантай хамтран ажиллахад бэлэн байна.


Энэ завшааныг ашиглан Танд ажлын өндөр амжилт, сайн сайхныг хүсье” гэжээ.



Холбоотой мэдээ