В.Путин хийн хоолойг гурван улсын оролцоотой тавих боломжийг судлах үүрэг өгчээ

ДЭЛХИЙН МЭДЭЭ | ЭДИЙН ЗАСАГ
Jargal.d@montsame.mn
2019-12-06 08:19:20

МОСКВА. /TASS/. ОХУ-ын Ерөнхийлөгч Владимир Путин Монгол Улсын нутгаар дайруулан БНХАУ-д байгалийн хий нийлүүлэх хоолойг гурван улсын оролцоотойгоор тавих боломжийг судлах үүрэг өгчээ. Энэ тухай ОХУ-ын шадар сайд Алексей Гордеев В.Путин, Монгол Улсын Ерөнхий сайд У.Хүрэлсүх нарын уулзалтын дараа мэдэгдсэн байна.


В.Путин Монголын Ерөнхий сайдтай уулзах үеэрээ хоёр улсын эрчим хүчний хамтын ажиллагааг гуравдагч орнуудыг татан оролцуулан хөгжүүлэх сайхан боломжууд бий гэж мэдэгдсэн юм.


"Газпром” компанийн тэргүүн Алексей Миллер, Монгол Улсын шадар сайд Ө.Энхтүвшин нар Оросын хийг Монголын нутгаар дамжуулан Хятадад нийлүүлэх боломжийн талаар хамтарсан үнэлгээ хийх тухай санамж бичигт 12 дугаар сарын 5-нд гарын үсэг зуржээ.


Холбоотой мэдээ