Улаанбаатар
Ц.Сүхбат " Final - 2019" тэмцээний ялагч болов
МОНГОЛЫН МЭДЭЭ | СПОРТ
Улаанбаатар /МОНЦАМЭ/. Монголын даамын холбоо, "Алтан хүү" клубтэй хамтран зохион байгуулдаг оны шилдэг даамчныг тодруулах "Final - 2019" тэмцээн 12 дугаар сарын 9-13-нд УБТЗ-ын Зүтгүүрийн депогийн байранд болов.
Дээд лигийн цувралуудаас бүтэн жилийн туршид хамгийн өндөр оноо цуглуулсан шилдэг 10 тоглогч уламжлал ёсоор өрсөлдсөн бөгөөд энэ жилийн хувьд 4 оролцогч нь 13-19 насны охид байсан юм.
Тойргийн журмаар өрсөлдөн дүнгээ гаргахад "Хасу-Мегастарс" клубийн тамирчин ДДХМ Ц.Сүхбат боломжит 18 онооноос 14-ийг авсан амжилтаар анх удаа тус тэмцээний аваргаар тодорлоо. Харин 2017, 2018 оны аварга ОУИМ Д.Эрдэнэбилэг /Шинэ Монгол/ сүүлийн хоёр учраатайгаа тэнцсэнээр 13 оноогоор удаалав. ОУИМ Г.Ганжаргал /Ирээдүй/, ДДХМ Ц.Хашчулуун /Дебют/ нар адилхан 11 оноотой болж нэмэлт үзүүлэлтийн чанараар Г.Ганжаргал гуравдугаар байр эзлэв.
Тэмцээнд оролцсон дөрвөн эмэгтэй тамирчнаас Э.Хүслэн хамгийн өндөр амжилтыг үзүүлж, 10 оноогоор "Айргийн тав"-д шалгарсан байна. Тэмцээнийг Б.Одхүү захиралтай "Кэнс Электрик" ХХК ивээн тэтгэжээ. Оролцогчид эзэлсэн байраас шалтгаалж 50-500 мянган төгрөгийн шагнал хүртэв.
“Final - 2019” Тэмцээний дүн:
1. ДДХМ Ц.СҮХБАТ /Хасу-Мегастарс/
14 оноо
2. ОУИМ Д.ЭРДЭНЭБИЛЭГ /Шинэ
Монгол/ 13 оноо
3. ОУИМ Г.ГАНЖАРГАЛ /Ирээдүй/
11 оноо
4. ДДХМ Ц.ХАШЧУЛУУН
/Дебют/ 11 оноо
5. ДДХМ Э.ХҮСЛЭН /Алтан
хүү/ 10 оноо
6. ДДХМ Г.ГЭРЭЛБОЛД
/Shoeslove/ 9 оноо
7. ОУИМ Б.МИШЭЭЛ /Ирээдүй/
7 оноо
8. ДДХМ Г.ХЭРЛЭНМӨРӨН
/Идэр ИС/ 7 оноо
9. СМ Б.АНУЖИН /Алтан
хүү/ 6 оноо
10. СМ Ц.ЭРДЭМБИЛЭГ
/Хийморь хөлөг/ 2 оноо
