Улаанбаатар
500 жилийн өмнө бүтээгдсэн судар хулгайлсан этгээдийг илрүүлжээ
МОНГОЛЫН МЭДЭЭ | ХУУЛЬ
Улаанбаатар /МОНЦАМЭ/. Бусдын орон байранд хууль бусаар нэвтэрч үнэт эдлэл хулгайлдаг этгээдүүдийг Эрүүгийн цагдаагийн албаны алба хаагчид илрүүлсэн байна.
Тодруулбал, 2018-2019 онд бусдын гэрт удаа дараа нэвтэрч алт, мөнгөн эдлэл, гэрэл зургийн аппарат, хөөрөг, эртний үнэт эдлэл хулгайлсан 28-32 насны хоёр этгээдийг энэ сарын 14-нд Баянзүрх дүүргийн нутагт орогнож байхад нь илрүүлсэн. Тэд урьдчилсан байдлаар нийт 40 хулгайн үйлдлээ мэдүүлээд байгаа аж. Түүнчлэн, энэ сарын 6-нд бусдын гэрээс 500 гаруй жилийн өмнө бүтээгдсэн Есөн эрдэнийн Жадамба гэх судар хулгайлсан 25 настай этгээдийг Дундговь аймгийн Цагдаагийн газартай хамтран илрүүлж шалгах ажиллагааг явуулж байгаа тухай цагдаагийн байгууллагаас мэдэээлэв.
