Токушорюү Хацү башёг тэргүүлж эхэллээ
МОНГОЛЫН МЭДЭЭ | СПОРТУлаанбаатар /МОНЦАМЭ/. Японы мэргэжлийн сумо бөхийн 2020 оны нэгдүгээр сарын 14 дэх өдрийн барилдаанд Шодай, Токушорюү нар барилдан Токушорюү давснаар 13 даваа, 1 унаатай болж башёг ганцаараа тэргүүлж эхлэв.
Харин Шодай 2 унаатай болсон бол түүнтэй адил даваатай явсан Озэки Такакейшо энэ өдөр Асаноямад унаж бүр 3 унаатай болов. Өнөөдөр Тамаваши Б.Мөнх-Оргил, Котоекиг хаяж 4 даваа, 10 унаатай байгаа бол Кирибаяама Б.Лхагвасүрэн Аойямаг давж 10 даваа, 4 унаатай байна.
Сэкиваке Эндо энэ өдөр Ютакаямад /10-4/ унаснаар 8 даваа, 5 унаатай болсон бол
Хокүтофүжи, Митакэүмиг давж 11 даваа, 3 унаатай байна. Озэки Гойэдо энэ өдөр Шохозанд
унаснаар 5 унаатай байгаа бол Шохозангийн унаа, даваа 7 болж тэнцэв.
Ташрамд дуулгахад, Жюүрёо зиндаанд Тэрүнофүжи Г.Ган-Эрдэнэ 14 дэх өдөр Нишигикид унаж 13 даваа, нэг унаатай болсон ч энэ башёд ганцаараа хол тасархай даваатай түрүүлж байна.