Даваа гарагаас “Сургуулийн автобус” 35 чиглэлд үйлчилнэ

Монголын мэдээ | Нийгэм
ariunbold@montsame.mn
2020-09-19 09:12:47

Улаанбаатар /МОНЦАМЭ/. Нийслэлийн Боловсролын газрын судалгаанд үндэслэн төвийн зургаан дүүргийн ерөнхий боловсролын 31 сургуулийн 35 чиглэлд энэ сарын 21-нээс "Сургуулийн автобус" үйлчилж эхэлнэ.


Нийслэлийн Засаг дарга бөгөөд Улаанбаатар хотын Захирагчийн үйл ажиллагааны хөтөлбөрт тусгасны дагуу Улаанбаатар хотын авто замын түгжрэлийг бууруулах ажлын хүрээнд “Сургуулийн автобус” төслийг хэрэгжүүлж буй юм. Дээрх 35 чиглэлд нийт 40 автобус үйлчлэх бөгөөд зөвхөн ерөнхий боловсролын сургуулийн сурагчид зорчих юм.


Сургуулийн автобусны чиглэлүүдийг доорх зургаас харна уу. 


Холбоотой мэдээ