Улаанбаатар
Увс аймгийн Засаг даргад Ч.Чимэдийн нэр дэвшүүллээ
ОРОН НУТГИЙН МЭДЭЭ | УВС
Увс /МОНЦАМЭ/. Аймгийн Засаг даргаар АН-ын дарга Ч.Чимэдийг төлөөлөгчдийн 58,5 хувийн саналаар дэмжлээ.
Түүнийг Увс аймгийн Засаг даргаар томилуулахаар Монгол Улсын Ерөнхий сайд У.Хүрэлсүхэд уламжилжээ.
Аймгийн ИТХ-ын 8 дахь удаагийн сонгуулийн анхдугаар
хуралдаан гурван өдөр үргэлжилж, энэ сарын 28-ны өдрийн 21 цагт дууслаа. Тус
хурлаар аймгийн ИТХ-ын дарга болон Засаг дарга, хурлын тэргүүлэгч нарыг сонгох
асуудал төлөөлөгч нарын дунд нэлээдгүй маргаан өрнүүлсний эцэст ийнхүү аймгийн
ИТХ-ын даргаар бие дааж сонгогдсон төлөөлөгч Ц.Батболд, аймгийн Засаг даргаар
АН-ын дарга Ч.Чимэд нар ажиллахаар болж байна.
Энэ удаагийн
орон нутгийн сонгуулиар Увс аймгийн ИТХ-ын 41 суудлын 19-ийг
АН, 17-г МАН, 5-ыг бие даагчид авсан. Харин бие дааж сонгогдсон 4 төлөөлөгч Ардчилсан намтай эвссэнээр ирэх 4 жилд Увс аймагт Ардчилсан нам засаг барих болж
байна.
