Улаанбаатар
“Росгеологи” компани геологи хайгуулын салбарт хамтран ажиллах хүсэлтэй байна
МОНГОЛЫН МЭДЭЭ | НИЙГЭМ
Улаанбаатар /МОНЦАМЭ/. “Эрдэнэс Монгол” ХХК-ийн гүйцэтгэх захирал Д.Хаянхярваа ОХУ-ын “Росгеологи” компанийн дэд захирал Золотарев Петр Сергеевичтэй цахим уулзалт хийлээ.
Уулзалтын
үеэр ОХУ-ын “Росгеологи” компанийн дэд захирал Золотарев Петр Сергеевич геологи
хайгуул, судалгааны чиглэлээр “Эрдэнэс Монгол” ХХК-тай хамтран ажиллах хүсэлтээ
илэрхийлж, уламжлалт хамтын
ажиллагаагаа өргөжин тэлэхийг хүссэн байна.
“Эрдэнэс Монгол” ХХК-ийн гүйцэтгэх захирал Д.Хаянхярваа “Монгол Улс ОХУ-тай эртний найрсаг харилцаатай. Ялангуяа, геологи хайгуулын салбарт
хамтран ажилласан олон жилийн түүхтэй. Иймд танай компанийн “Асгатын мөнгөний орд”-ын судалгаа, хайгуулд хамтран ажиллах хүсэлтийг судалж, ямар боломж байгаа талаар тодорхой
хариу өгнө” гэв.
ОХУ-ын “Росгеологи” компани нь хийн болон хатуу ашигт
малтмалын судалгаа, хайгуулын чиглэлээр олон улсад үйл ажиллагаа явуулдаг. 2019
оны 12 дугаар сард Монгол Улсын Ерөнхий сайд У.Хүрэлсүх ОХУ-д айлчлах үеэр
“Росгеологи” компани “Эрдэнэт үйлдвэр” ТӨҮГ-тай давхарга хоорондын хийн хоолойн
төсөлд хамтран ажиллах гэрээнд гарын үсэг зуржээ.
