Гэрийн тусгаарлалтад 2251 иргэн байна
ОРОН НУТГИЙН МЭДЭЭ | ГОВЬ-АЛТАЙГовь-Алтай /МОНЦАМЭ/. Говь-Алтай аймагт гэрийн тусгаарлалтад нийт 2251 иргэн байгаа тухай аймгийн Онцгой комиссын шуурхай штабаас мэдээллээ.
Тодруулбал, тус аймагт 11 дүгээр сарын 11-нээс эхлэн Улаанбаатар хот болон бусад орон нутгаас ирсэн иргэд 14 хоног гэрийн тусгаарлалтад орсон. Одоогоор нийт 2251 иргэн байгаа бөгөөд тэдгээрийн 2174 нь энэ сарын 1-нээс хойш ирсэн иргэд байгаа ажээ.
Түүнчлэн 12 дугаар сарын 1-нээс хойш Улаанбаатар хот болон бусад орон нутгаас 2174 иргэн ирсэн байна. Сүүлийн 24 цагийн байдлаар нийтийн тээврээр 217, хувийн тээврийн хэрэгслээр 79 нийт 296 иргэн иржээ.