Улаанбаатар /МОНЦАМЭ/. Өвөрмонголын Соёлын өдрүүд 2020 оны 12 дугаар сарын 30-ны өдрөөс цахимаар болж байна.

“Хятад орныг танин мэдэх-Монгол Улстай холбогдох” сэдвийн дор  болж буй энэхүү Соёлын өдрүүд цар тахалтай хамтран тэмцсэн Монгол, Хятадын найрамдлын хуудсыг бичиж, хоёр улсын Төрийн тэргүүний хүмүүнлэгийн салбар дахь харилцаа, хамтын ажиллагааг гүнзгийрүүлэхэд оршиж байна. Энэ удаагийн Соёлын өдрүүд  цахимаар болж буй хэдий ч агууллагаар баялаг болно гэдгийг нээлтийн үеэр зохион байгуулагчид онцолж байсан юм.

Хоёр орны ард түмний харилцааны гүүр болох энэхүү Соёлын өдрүүдийн үйл ажиллагааг  WWW.CRI.CN  болон  WWW.SOLONGONEWS.MN зэрэг сайтаас хүлээн авч үзэх боломжтой. 

Соёлын өдрүүдээр зохион байгуулах үйл ажиллагаа

Бээжин жүжиг

Бээжин жүжиг нь Хятадын жүжгээр гол нэр төрөл болгосон “Төрийн жүжиг” болно. Уг жүжиг нь Хятадын дөрвөн төрийн жүжгийн нэг. Төрийн Бээжин жүжгийн театрын шилдэг жүжигчид тоглоно.

“Бадран дэлгэрэх” орчин үеийн балетын  тусгай дугаар

Шанхайн балет бүжгийн чуулгын орчин үеийн балет “Бадран дэлгэрэх” нь цар тахалтай нэгдүгээр фронтод тэмцэж байгаа эмч, сувилагчдад хүндэтгэл илэрхийлж, амь насны “Бадран дэлгэрэх”-ийг магтан дуулж, сайн сайхан амьдралыг мөрөөдөх, улс орнуудын ард түмэнд хайр болон мөрөөдлийн хүчийг харуулах болно.

 “Сайн сайхан амьдралын эрэлд" хятад орны ядуурлаас ангижирсан амжилтын үзэсгэлэн

Сайн сайхан амьдрал бол хүн төрөлхтөний хөөцөлдөх мөнхийн сэдэв юм. Үзэсгэлэн нь Хятад орон ядуурлыг арилгасан, иргэдийн амьдралыг сайжруулсан, ядуурлыг оновчтой бууруулсан, дундаж чинээлэг нийгмийг байгуулахад олсон үр дүн болон туршлагаас хуваалцахыг зорьжээ.

Соёл, аялал жуулчлалын шилдэг бүтээлийн үзэсгэлэн

Хятад орны онцлог бүхий аялал жуулчлалын бараа бүтээгдэхүүний уралдааны шагнал хүртсэн бүтээл, Өвөрмонголын орчин үеийн инновацын шилдэг бүтээл болон “Монгол морины зориг санааг хөгжүүлье” уралдааны шагнал хүртсэн бүтээлийг харуулж, өдөр тутмын амьдралын гоо сайхныг хуваалцахыг зорьжээ.

“Үзэсгэлэнт  сайхан хөхнуур”  гэрэл зургийн үзэсгэлэн

Хятадын Хөхнуур муж нь “Дэлхийн сээр нуруу” болох Хөхнуур Төвөдийн өндөрлөгийн зүүн хойд хэсэгт оршдог. Хөхмөрөн, Хатангол, Ланьцанжян мөрний эх авсан газар, “Гурван мөрний эх авсан газар”, “Хятад орны усан цамхаг” гэсэн сайхан нэрийдэлтэй билээ. Гэрэл зургийн бүтээлээр дамжуулан Хятад орны “Гурван мөрний эх авсан газар”, “Хятад орны усан цамхаг” Хөхнуурын үзэсгэлэнт сайхан уул ус, экологи, хүмүүнлэгийн сайхныг танилцуулж, Монгол, Хятадын экологийн соёл иргэншлийн бүтээн байгуулалтын талаарх харилцаа, хамтын ажиллагааг ахиулахыг зорьсон байна.

“Солонгорсон гүйжөү” гэрэл зургийн үзэсгэлэн

Хятадын Гүйжөү мужийн экологийн соёл иргэншлийн бүтээн байгуулалтын амжилт, үзэсгэлэнт байгаль болон өвөрмөц онцлогтой үндэстний зан заншлыг харуулжээ.

Хятад кино наадам

Хамгийн сүүлийн үеийн орлого ихтэй 11 киног үзүүлэх юм. Үүнд, “Хятадын онгоцны дарга”, “Авирагч”, “Антарктидын амраг хайр”, “Гал сөнөөх баатар”, “Сүүдэр”, “Их Шанхай”, “18 агуйн гацаа”, “Гялалзсан охин”, “77 хоног”, “28-тай насанд үл хүрэгч”, “Цаг, орон зайг давсан хосууд” багтаж байна. Эдгээр кино нь үзэгчдэд олон өнцгөөс киног мэдрүүлж, Хятад орны нийгмийн хөгжлийн байдлыг ойлгуулна.

Хятадын олон ангит уран сайхны кино

Олон ангит уран сайхны кино “Жирийн ертөнц”, “Хөгшин нөхөр”-ийг олны хүртээл болгоно. “Жирийн ертөнц” нь Хятадын 1970-аад оны дунд үеэс 1980-аад оны дунд үеийн 10 жил, жирийн иргэний хүнд бэрх байдалд оршин аж төрөхөд тохиолдсон үйл явдлыг гүн гүнзгий харуулж, хүнд бэрхийг ялан давсан сайн сайхан сэтгэл болон уйгагүй тэмцэх зориг санааг харуулсан байна. “Хөгшин нөхөр” нь ухаалаг, шогч хөгшин нөхөр, залуу эхнэр хоёрын амраг хосын түүхийг өгүүлжээ.

“Хятад орны аялал жуулчлал" цахим танилцуулга

“Хятад орон таны бодсоноос огт өөр” гэх танилцуулга нь Бээжин, Хүбэй, Хайнань, Жэжян болон Өвөрмонгол гэсэн таван муж хот, ӨМӨЗО-ы аялал жуулчлалыг танилцуулж, Хятад орны олон газрын зан заншил, түүх соёл, байгаль болон хүмүүнлэгийн үзмэр, аялал жуулчлалын алтан маршрутыг танилцуулж, Хятад, Монголын аялал жуулчлалын хамтын ажиллагааг ахиулахыг зорьжээ.

 Хятад орны амтат хоол

Цуврал видеогоор дамжуулан Хятад орны олон газар, үүнд Өвөрмонголын амтат хоол болон хийх арга болон хятад орны газар газрын зан заншлыг танилцуулна.