Л.Төмөрбаатар: Халдварын намжих хугацаа 4 сар байх тооцоо гарсан
МОНГОЛЫН МЭДЭЭ | ЭРҮҮЛ МЭНДУлаанбаатар /МОНЦАМЭ/. Нийслэлийн Эрүүл мэндийн газрын дарга, НОК-ын гишүүн Л.Төмөрбаатар өнөөдрийн мэдээллийн үеэр Улаанбаатар хотод халдварын тархалтын талаар өмнө нь хийж байсан судалгааг танилцуулав.
Тэрээр, "Улаанбаатар хотод халдварын анхны тохиолдол бүртгэгдээд хоёр сар гаруй хугацаа өнгөрч байна. Бид 8 дугаар сарын 4-нд ДЭМБ-ын аргачлалаар судалгаа хийж байсан. Тэгэхэд халдварын нэг тохиолдлоос нийслэлд халдвар тархах хугацааг тооцож үзэхэд халдварын үргэлжлэх болон намжих хугацаа 16 долоо хоног буюу 4 сар байхаар гарч байсан.
Түүний 8-9 дэх 7 хоног нь хамгийн өндөр тархалттай байх дүр зураг гарч байв. Тиймээс хоёр сарын хугацаа өнгөрлөө, энд иргэд халдвар хамгааллыг сайн сахисан. Үүнийгээ хатуу үргэлжлүүлэх шаардлага хэвээр байгаа"-г онцлов.