Мандал-Овоо сумын нутгаар салхины хурд 34 м/с хүрчээ
ОРОН НУТГИЙН МЭДЭЭ | ӨМНӨГОВЬӨмнөговь /МОНЦАМЭ/ Өмнөговь аймгийн нутгаар цаг агаарын гамшигт үзэгдэл үргэлжилж байна.
Өнөөдөр Мандал-Овоо сумын нутгаар салхины хурд 34 м/с, Булган, Манлай, Цогт-Овоо суманд 24 м/с, бусад суманд 16 м/с хүрч ширүүсчээ.
Гамшигт үзэгдлийн хохирлын хэмжээ одоогоор тодорхойгүй байгаа бөгөөд малдаа явсан иргэд алга болсон, төв суурин газар байшингийн дээвэр хуурсан зэрэг мэдээллүүд ОБГ-т ирсээр байгаа аж.
Тус аймгийн Хүрмэн, Баян-Овоо, Номгон, Баяндалай Цогтцэций сумын нутгаар өнөө шөнө хүчтэй шороон шуурга шуурахыг УЦУОШТ-өөс мэдээллээ.