Нийгмийн хариуцлагын хүрээнд 270 ширхэг мод тарьжээ

ОРОН НУТГИЙН МЭДЭЭ | БАЯН-ӨЛГИЙ
bayanulgii@montsame.gov.mn
2021-05-05 15:09:17

Баян-Өлгий /МОНЦАМЭ/. Баян-Өлгий аймгийн Өлгий сумын 10 дугаар багт үйл ажиллагаа явуулдаг ислам шашны "Заид" сүмийн хамт олон нийгмийн хариуцлагын хүрээнд 270 ширхэг мод тарилаа.

"УИХ-ын гишүүн Т.Аубакирын "Ногоон Өлгий" санаачилгад нэгдэж, сүмийн хашаанд 210 ширхэг бургас, 60 ширхэс улиас тарилаа. 180 ширхэг модны суулгацыг Тилек, Мөлдир зэрэг иргэд хандивласан. Үлдсэнийг нь өөрсдөө худалдан авлаа. Цаашид тарьсан модоо арчлан тордох, жил бүр тоог нь нэмэхэд анхаарч ажиллана" хэмээн сүмийн шашны ажилтан /имам/ М.Нурмурат хэллээ. 

Холбоотой мэдээ