Бат-Өлзий суманд 440 хүүхдийн суудалтай сургууль барьж байна
ОРОН НУТГИЙН МЭДЭЭ | ӨВӨРХАНГАЙӨвөрхангай /МОНЦАМЭ/. Бат-Өлзий суманд 440 хүүхдийн суудалтай сургуулийн барилга барихаар шав
тавилаа. Улсын төсвийн 5 тэрбум төгрөгийн өртгөөр 3 давхар сургуулийг спорт
заалны хамт барих юм.
“Тус суманд оршин суугчдын тоо сүүлийн жилүүдэд
эрс нэмэгдэж, тэр хэрээр ерөнхий боловсролын сургууль, цэцэрлэгийн ачаалал
ихэсч байгаа. “Бако констракшн” ХХК-иас сургуулийн барилгыг чанартай барьж,
ирэх зун буюу хугацаанд нь ашиглалтад оруулна гэдэгт итгэж байна. Ингэснээр
сурагч хүүхдүүдийн маань сурч хөгжих орчин нөхцөл сайжирч, 3 ээлжээр хичээллэх
асуудал бүрэн шийдэгдэнэ” хэмээн аймгийн Засаг
дарга А.Ишдорж хэллээ.
Мөн тус сумын Улаан-Амны багт төмөр бетон гүүр барихаар
“Мотор сервис” ХХК ажлаа эхлүүлээд байна.